Fossil ဟာ WearOS အသုံးပြုထားတဲ့ စမတ်နာရီသစ်နှစ်လုံးကို ကြေညာလာပါတယ်။ Fossil က ကြေညာလာတဲ့ စမတ်နာရီသစ်နှစ်လုံးကတော့ Diesel On Axial နှင့် Emporio Armani Smartwatch 3 ဖြစ်ပါတယ်။

Diesel On Axial ကို Snapdragon Wear 3100 နှင့် ပါ၀ါထောက်ပံ့ထားပြီး စပီကာတစ်လုံး ပါ၀င်ပါတယ်။ ယင်းစပီကာကို အသုံးပြုကာ ဖုန်းပြောဆိုမှုပြုလုပ်နိုင်သလို Google Assistant လည်း အသုံးပြုနိုင်ပါတယ်။ ဒါ့အပြင် Notification အသံကိုလည်း ကြားနိုင်ပါတယ်။

Diesel On Axial ကို အဝိုင်းဒီဇိုင်းဖြင့် ဖန်တီးထားတာဖြစ်ပြီး Information Tunnel ဒီဇိုင်း သုံးထားပါတယ်။ ရေစိမ်ခံနို်င်ပြီး ရေအောက် 30 မီတာအထိ ရေစိမ်ခံနိုင်ပါတယ်။ ဒါကြောင့် ရေကူးရာမှာလည်း အသုံးပြုနိုင်ပါတယ်။

ဘက်ထရီစနစ်လေးခု အသုံးပြုနိုင်ပြီး Extended Battery Mode လည်း ပါ၀င်ပါတယ်။ ယင်းစနစ်သုံးချိန်မှာ နှလုံးခုန်နှုန်းတိုင်းမှု သုံးနိုင်သလို Notification လည်း ရနိုင်ပါသေးတယ်။ Storage 8GB ပါ၀င်ကာ Spotify ၊ Cardiogram App တို့ တစ်ပါတည်း ပါ၀င်ပါတယ်။ Cardiogram App က နှလုံးအခြေအနေကို စောင့်ကြည့်ပေးပါတယ်။ Noonlight က အရေးပေါ်လိုအပ်ချိန်မှာ ဖုန်းကို ချိတ်ဆက်ပေးတဲ့စနစ် ဖြစ်ပါတယ်။ GPS Tracking လည်း ပါ၀င်သလို Google Play လည်း သုံးနိုင်ပါတယ်။

Diesel On Axial မှာ မျက်နှာပြင် 1.28 လက်မ AMOLED ၊ RAM1GB ၊ NFC ၊ Wi-Fi ၊ Bluetooth တို့ ပါ၀င်ပါတယ်။ သတ္တုရောင်၊ ငွေရောင်၊ ကြေးရောင်ကိုယ်ထည်များနှင့် ရွေးချယ်နိုင်ပြီး အနက်ရောင်၊ အပြာရောင်၊ စတိန်းလက်စ်စတီးလက်ပတ်ရောင်တို့ဖြင့် ရွေးချယ်နိုင်ပါမယ်။

Diesel On Axial ကို စျေးနှုန်း ဒေါ်လာ 350 သတ်မှတ်ထားပြီး လာမယ့်လမှာ စတင်ရောင်းချသွားပါမယ်။

Emporio Armani Smartwatch 3 က Diesel On Axial ထက် ဖက်ရှင်ကျတဲ့ဒီဇိုင်း သုံးထားပါတယ်။ သုံးထားတဲ့စနစ်နှင့် သုံးနိုင်တဲ့စနစ်တွေက အတူတူ ဖြစ်ပါတယ်။ Emporio Armani Smartwatch 3 ကိုလည်း Snapdragon Wear 3100 ၊ Wear OS တို့ သုံးထားပါတယ်။

လက်ရှိအချိန်မှာ Emporio Armani Smartwatch 3 ရဲ့စျေးနှုန်းကိုတော့ မသိရသေးပါဘူး။ ဒီစမတ်နာရီကိုလည်း လာမယ့်လမှာဘဲ ရောင်းချသွားပါမယ်။

Credit : NetGuide Journal (Every Wednesday)