2019.08.14ENTERTAINMENT
Tokyo Oden Boys အဖွဲ့သားများနှင့် တွေ့ဆုံမေးမြန်းခန်း အပိုင်း(၂)
Tokyo Oden Boys အဖွဲ့သားများနှင့် တွေ့ဆုံမေးမြန်းခန်း အပိုင်း(၂)
ဇူလိုင်လ ၂၄ ရက်နေ့တွင်မေးမြန်းခဲ့သော Tokyo Oden Boys အဖွဲ့သားများနှင့် တွေ့ဆုံမေးမြန်းခြင်း အပိုင်း(၂) ကိုတင်ပေးလိုက်ရပါတယ်။ အခုတစ်ခေါက်မှာတော့ မြန်မာနိုင်ငံတွင်ရှိသော လူရွှင်တော်၊ အဆိုတော်၊ အနုပညာရှင်များနှင့် ပတ်သက်သောအကြောင်းအရာများကို ဆွေးနွေးခဲ့ပုံများကို အောက်တွင်ဆက်လက်ဖတ်ရှုနိုင်ပါတယ်။
Tokyo Oden Boys အဖွဲ့နှင့်ပတ်သက်ပြီး
Tokyo Oden Boys နာမည်ပေးဖို့ စိတ်ကူးဘယ်လိုရခဲ့သလဲ။
မြန်မာလူမျိုးတွေ မှတ်မိလွယ်အောင်လို့ပေးခဲ့တဲ့နာမည်ပဲ ဖြစ်ပါတယ်။
Happy Japan အစီစဉ်ကို ကြည့်ခဲ့တုန်းက အဖွဲ့ဝင် ၅ ယောက်လို့ထင်တယ်။ အခု တစ်ယောက်က ထွက်သွားတာလား။
တစ်ယောက်ကတော့ ဂျပန်ကို မိသားစုကိစ္စနဲ့ ခဏပြန်သွားတယ်။
အဖွဲ့ပေါ်ပေါက်လာပုံကို ပြောပြလို့ရနိုင်မလား။
နဂိုကတော့ ကျွန်တော်ရယ်၊ ဖက်တီးရယ်၊ နောက်တစ်ယောက်ရယ်က Tigers Team ဖြစ်ပြီး ကစ်တီရယ်၊ အားကီရယ်က သီးခြားစီဖြစ်ပါတယ်။ တစ်ယောက်စီထက် ၅ ယောက်အသင်းဖွဲ့ပြီး လှုပ်ရှားမယ်ဆိုရင် နောက်ထပ် ပိုကောင်းမယ့် အရာလေးတွေ လုပ်နိုင်မယ်ထင်လို့ ဖွဲ့ဖြစ်ခဲ့တာပါ။
မြန်မာမှာ ဘယ်လောက်ထိ အနုပညာအလုပ်တွေ လုပ်ကိုင်မယ်လို့ စဉ်းစားထားလဲ။
ကျွန်တော်တို့အားလုံးကတော့ မြန်မာမှာပဲ တောက်လျှောက်လုပ်ချင်တယ်လို့တော့ စဉ်းစားထားတယ်။
အဖွဲ့အပေါ်တစ်ယောက်ချင်းစီ တာဝန်ယူထားပုံက ဘယ်လိုရှိလဲ။
အားကီက မြန်မာမှာနေတာ အကြာဆုံးဖြစ်တဲ့အတွက်ကြောင့် မြန်မာစကားကို ပိုပြီးပြောနိုင်တယ်။ Live တွေမှာဆို တစ်ခါတစ်လေ ကျွန်တော်တို့ရဲ့ မြန်မာစကားကို ပရိတ်သတ်တွေ နားမလည်သလို ဖြစ်သွားတဲ့အချိန်ဆိုရင် အားကီကို အကူအညီတောင်းရပါတယ်။
အားကီက မြန်မာစာကို ဘယ်အချိန်ကတည်းက လေ့လာခဲ့တာလဲ။
သေသေချာချာ သင်ဖြစ်တာကတော့ အားလုံးနဲ့အတူတူ ၉ လရှိပါပြီ။ ဒါပေမဲ့ ကျွန်တော်က မြန်မာမှာ ၆ နှစ်လောက်နေခဲ့တာကြောင့် နားယဉ်နေတဲ့ မြန်မာအသံထွက်က များနေပါပြီ။
မြန်မာစာကို အရေးကော၊ အဖတ်ကောရလား။
အက္ခရာတွေကို သင်ထားတာကြောင့် အနည်းငယ်ရေးတတ်၊ ဖတ်တတ်ပါတယ်။
မြန်မာသီချင်း၊ အဆိုတော်၊ ဟာသအနုပညာရှင်များနှင့် ပတ်သက်ပြီး
ပြီးခဲ့တဲ့ Live မှာ မြန်မာသီချင်းတွေနဲ့ပတ်သက်ပြီး ဟာသတွေ လုပ်ခဲ့တယ်နော်။ မြန်မာသီချင်းတွေကော နားထောင်ဖြစ်လား။
ဟုတ်ကဲ့။ ပုံမှန်ကတော့ နားထောင်ဖြစ်ပါတယ်။ သီချင်းကနေမှ မြန်မာအသံထွက်တွေကို မှတ်သားနိုင်တာကြောင့် အလွန်အသုံးဝင်ပါတယ်။
ကြိုက်တဲ့အဆိုတော်ရှိလား။
နီနီခင်ဇော်ကို ကြိုက်ပါတယ်။ [အလကားပဲ] ဆိုတဲ့ အယ်လ်ဘမ်ကို နားထောင်ဖြစ်ပါတယ်။
ကျွန်တော်ကတော့ [စာမျက်နှာ၁၅] ကိုကြိုက်ပါတယ်။
Project K ကိုကြိုက်ပါတယ်။
G-fatt ကိုကြိုက်ပါတယ်။
မြန်မာလူမျိုးတွေကို နာမည်ကြီးအဆိုတော်တွေထဲမှာ ဘယ်သူ့ကိုကြိုက်သလဲလို့မေးလိုက်တိုင်း Sai Sai လို့ဖြေတဲ့လူတွေများတယ်နော်။
ဟုတ်တယ်။ အထူးသဖြင့် စိုင်းစိုင်းခမ်းလှိုင်ဟာ မိန်းကလေးကြားထဲမှာ လူကြိုက်များတယ်။ ယောကျ်ားလေးတွေထဲမှာ Rock ကိုကြိုက်တဲ့လူဆိုရင် လေးဖြူလို့ဖြေတဲ့လူက များလိမ့်မယ်။
မြန်မာဟာသတွေကို ကြည့်ဖြစ်လား။
ဟုတ်ကဲ့။ မြန်မာဟာသတွေကိုလည်း ကြည့်ပြီး လေ့လာနေပါတယ်။ Facebook မှာ နာမည်ကြီးဟာသ သရုပ်ဆောင် ရဲရင့် ရဲ့ဇာတ်လမ်းတိုတွေကိုလည်း ကြည့်ဖြစ်ပါတယ်။ နောက်ထပ် မြန်မာရဲ့ဟာသပြဇာတ်တွေက ညဘက်မှာ ကျင်းပလေ့ရှိတယ်လို့ကြားတဲ့အတွက်ကြောင့် သွားကြည့်မယ်လို့ စဉ်းစားထားတယ်။
မြန်မာဟာသအဖွဲ့ Five Star ရဲ့ DVD ကိုလည်း ကြည့်ဖြစ်ပါတယ်။
မြန်မာမှာ သသရုပ်ဆောင်တွေက နာမည်ကြီးလာရင် ရုပ်ရှင်တွေ ရိုက်လာရတယ်။ တကယ်လို့အခွင့်အရေးရလာခဲ့မယ်ဆိုရင် လုပ်ကြည့်ချင်လား။
နေတိုးလိုမျိုးဖြစ်ချင်တယ်။ (ရယ်လျှက် :P)
မြန်မာရုပ်ရှင်တွေ ကြည့်ဖြစ်လား။
အခုထိတော့ မကြည့်ဖြစ်သေးဘူး။
ကျွန်တော်ကတော့ ရွှေမှုံရတီသရုပ်ဆောင်ခဲ့တဲ့ [လိပ်ပြာစံအိမ်] ကို ကြည့်ပြီးသွားပါပြီ။
Tokyo Oden Boys လှုပ်ရှားမှုနှင့် Happy Japan Program ရိုက်ကူးစဉ်က အမှတ်တရများ
ကစ်တီအနေနဲ့ အဖွဲ့ဝင် ၅ ယောက်ထဲမှာ မိန်းကလေးတစ်ယောက်တည်းရှိတဲ့အတွက် ဟာသတွေဖန်တီးတဲ့နေရာမှာ အခက်အခဲတွေရှိခဲ့လား။
ကျွန်မက မိန်းကလေးဟာသ သရုပ်ဆောင်ဖြစ်တာမို့ ယောကျ်ားလေးဟာသ သရုပ်ဆောင်နဲ့လုပ်ခဲ့ဖူးတဲ့အတွေ့အကြုံတွေလည်း အများကြီး ရှိခဲ့တာကြောင့် အလုပ်နဲ့ပတ်သက်ပြီး အထူးတလည် အခက်အခဲတော့ မရှိပါဘူး။
မြန်မာမှာ Live ဘယ်နှစ်ကြိမ်လုပ်ပြီးသွားပြီလဲ။ နောက်တစ်ကြိမ်ကတော့ ဘယ်တော့လောက်ဖြစ်နိုင်မလဲ။
၇ လပိုင်း ၂၁ ရက်နေ့မှာ လုပ်ဖြစ်ခဲ့တဲ့ပွဲလိုမျိုး Live ကတော့ နှစ်ကြိမ်မြောက်ဖြစ်ပါတယ်။ ကျန်တာတွေကတော့ ကုမ္ပဏီရဲ့ပါတီတွေ၊ event တွေမှာ လုပ်ခဲ့တာဖြစ်ပြီး၊ အဲ့ဒါတွေရော အပါအဝင်ဆိုရင်တော့ ၁၀ ကြိမ်လောက်တော့ရှိပါပြီ။
၇ လပိုင်း ၂၁ ရက်နေ့မှာ ကျင်းပခဲ့တဲ့ပွဲလိုမျိုး Live ရဲ့ ၃ ကြိမ်မြောက်ကတော့ ၉ လပိုင်း ၂၂ ရက်နေ့မှာ လုပ်ဖို့စီစဉ်ထားပါတယ်။ ၂ လ တစ်ကြိမ်လုပ်မယ်လို့ ရည်ရွယ်ထားပါတယ်။
နောက်ထပ်လှုပ်ရှားမှုအနေနဲ့ ဘာတွေဆက်လုပ်ဖို့ရှိလဲ။
ရုပ်ရှင်ရိုက်ဖို့အခွင့်အရေးရှိလာရင်လည်း လုပ်ချင်ပါတယ်။ သီချင်းဆိုတာတွေရော၊ မြန်မာဟာသလူရွှင်တော်တွေနဲ့ ပူးပေါင်းပြီး အလုပ်အတူတူလုပ်တာတွေရော လုပ်သွားချင်ပါတယ်။
ရန်ကုန်အပြင် တခြားဒေသတွေကိုလည်း သွားကြည့်ချင်ပါသေးတယ်။ ရှမ်းပြည်နယ်တို့၊ မန္တလေးတို့လို့ နေရာမျိုးတွေပေါ့။
Happy Japan အစီအစဉ်မှာ အမှတ်တရဖြစ်ဆုံးက ဘာလဲ။
အမှတ်ရစရာတွေကတော့ အများကြီးပဲ။ မြန်မာနိုင်ငံကိုရောက်ပြီး ၂ ပတ် အကြာမှာ အဲဒီအစီအစဉ်ကို စခဲ့တာ။ မြန်မာစကားကို လုံးဝနီးပါး နားမလည်သေးတဲ့အချိန် ဖြစ်ပေမဲ့ ကြိုးစားပြီး မှတ်သားပြီးတော့ လုပ်ခဲ့ကြပါတယ်။
အဲ့အစီအစဉ်မှာ ရှုံးရင် ပိုးကောင်တွေစားရတဲ့ဂိမ်းမှာ ကျွန်မနဲ့ အားကီက ရှုံးခဲ့တယ်။ ဒါပေမဲ့ ပိုးကောင်ထည့်ထားတဲ့ခေါက်ဆွဲကို လုံးဝမစားနိုင်ခဲ့တာကြောင့် ဖက်တီးကို အကူအညီတောင်းပြီး စားခိုင်းခဲ့ရတာတော့ အမှတ်တရပါပဲ။
ပရိသတ်အတွက် စကားလက်ဆောင်
ပရဟိတတွေလုပ်ခဲ့တယ်နော်။ နောက်ပိုင်းကော ဘာတွေဆက်လုပ်ဖို့ရှိလဲ။
၈ လပိုင်းမှာ သာကေတက ဘုန်းကြီးကျောင်းတစ်ကျောင်းမှာ ကလေးတွေအတွက် ရှိုးလုပ်ပေးဖို့ ရှိပါတယ်။
ပရိသတ်တွေကို ဘာများပြောချင်သလဲ။
ကျွန်တော်တို့ရဲ့လှုပ်ရှားမှုတွေကို Facebook page မှာပြန်လည်မျှဝေပေးလျက်ရှိပါတယ်။ Live Show တွေ၊ event တွေကိုလည်း လုပ်နေတာမို့လို့ အပြင်မှာ လူကိုယ်တိုင် ဆက်ဆက်လာအားပေးပေးမယ်ဆိုရင် အရမ်းပျော်မိမှာပါ။
Tokyo Oden Boys ရဲ့အနုပညာလှုပ်ရှားမှုများကို အောက်ပါလင့်ခ်မှတစ်ဆင့် ပိုမိုသိရှိနိုင်စေရန်အတွက် ဖော်ပြပေးလိုက်ရပါတယ်။
https://www.facebook.com/TOKYO.ODEN.BOYS/
-
ENTERTAINMENT
Sisyphus: The Myth
-
FOOD
ချင်းလူမျိုးတို့ရဲ့ ဆာဘူးသီး
-
LIFE&TREND
Skincare Routine မှာ မဖြစ်မနေပါသင့်တဲ့ Suncream
-
SOCIAL
ရေနွေးနဲ့ရေချိုးခြင်းရဲ့ ကောင်းကျိုးနဲ့ဆိုးကျိုးများ
-
SPORTS
အောင်လပွဲ အောက်တိုဘာ ၃၀ သေချာပြီ !!! 💥💥💥💥
-
TECH
Apple မှ Iphone 12 မိတ်ဆက်ရောင်းချမည့်ရက်ကို ကြေညာ
-
TRAVEL
“ ကျောက်ဖြူမြို့တစ်ဖက်ကမ်းက ပင်လယ်ပြင်ကိုထိုးထွက်နေတဲ့ ငှက်ခေါင်းကျွန်း”
Ranking
1. လူကြိုက်အမျာဆုံး Mask အဖြစ်ရပ်တည်နေတဲ့ The SAEM ရဲ့ O2 Bubble Mask 
2. Plus Size တွေအတွက် အဝတ်အစားဝယ်ယူဖို့အဆင်ပြေစေမယ့် ရန်ကုန်မြို့က ဆိုင် (၄) ဆိုင် 
3. ရန်ကုန်ရဲ့ အလှပဆုံး ကော်ဖီဆိုင်လေးတစ်ဆိုင်ကို ရှာနေပါသလား ဒါဆိုရင်တော့ ဒီနေရာဖြစ်ပါလိမ့်မယ် 
4. ဟော့ပေါ့နဲ့ အကင်ကို ၇၇ဝဝ ဆိုလို့သွားစားခါမှ မျက်လုံးပြုးပြီးပြန်လာရတဲ့အဖြစ် 
5. ရိုးသားစွာ ကြက်သားစားနိုင်ကြပါစေ 
アンケート登録
YANGON STYLE ではアンケートモニターを募集しています（無料）。
စစ်တမ်းကောက်ယူမှုအတွက် စာရင်းပေးသွင်းခြင်း
Yangon Style တွင် အွန်လိုင်းစစ်တမ်းကောက်ယူမှုများအတွက် ပါဝင်ဖြေဆိုလိုသူများကို စုဆောင်းလျှက်ရှိပါသည် (အခမဲ့ စာရင်းပေးသွင်းနိုင်ပါသည်)။စာရင်းပေးသွင်းထားပြီး စစ်တမ်းများကို ဖြေဆို၍ လက်ဆောင်ဖုန်းငွေဖြည့်ကတ်နှင့် လဲလှယ်နိုင်သော ပွိုင့်များကို ရယူလိုက်ကြရအောင်.........
登録メールマガジン登録
YANGON STYLEの最新情報、会員特典情報を随時配信しています（週１回）。フォームから購読が可能です。
အီးမေးလ် မဂ္ဂဇင်းအတွက် စာရင်းပေးသွင်းခြင်း
Yangon Style မှာ အဖွဲ့ဝင်ပြုလုပ်ခြင်းဖြင့် တစ်ပတ်တစ်ကြိမ် နောက်ဆုံး သတင်းအချက်အလက်များကို သိရှိနိုင်ပါသည်။ အောက်ဖော်ပြပါ Button ကိုနှိပ်၍ အီးမေးလ် မဂ္ဂဇင်းအတွက် စာရင်းပေးသွင်းကာ ဖတ်ရှုနိုင်ပါသည်။
登録広告掲載について
YANGON STYLE life&trend Mediaに広告掲載しませんか 商品訴求や人材募集など様々なジャンルでの広告主様を募集しています。
ကြော်ငြာကဏ္ဍ
YANGON STYLE life&trend Media ကဏ္ဍတွင် လူကြီးမင်းတို့၏ ကုန်ပစ္စည်းများနှင့် ဝန်ထမ်းခေါ်ယူမှု အစရှိသည့် ကဏ္ဍအမျိုးမျိုးနှင့်သက်ဆိုင်သော ကြော်ငြာများကိုလည်း ဝန်ဆောင်မှုပေးနေပါသည်။
お問い合わせ
