bnr_tob_1

2019.08.07ENTERTAINMENT

Tokyo Oden Boys အဖွဲ့သားများနှင့် တွေ့ဆုံမေးမြန်းခန်း အပိုင်း(၁)

Tokyo Oden Boys အဖွဲ့သားများနှင့် တွေ့ဆုံမေးမြန်းခန်း အပိုင်း(၁)
ဇူလိုင်လ ၂၄ရက်နေ့တွင် EBP ရုံးခန်းတွင် Tokyo Oden Boys အဖွဲ့သားများနှင့် ရင်းရင်းနှီးနှီးပြောဆို မေးမြန်းခဲ့ပါတယ်။
မေးမြန်းခဲ့တဲ့အကြောင်းအရာများကို ဖော်ပြပေးမဲ့ အစီအစဉ်လေးဘဲဖြစ်ပါတယ်။

မြန်မာပြည်တွင်းအနုပညာနှင့်ပတ်သက်ပြီးလှုပ်ရှားမှုများအကြောင်း

လက်ရှိ မြန်မာမှာ ဘယ်လိုမျိုး အနုပညာ လှုပ်ရှားမှုတွေ အဓိက ပြုလုပ်နေလဲ။

မြန်မာမှာရှိနေစဉ်အတွင်း လှုပ်ရှားမှုတွေကတော့ ၂ လတစ်ကြိမ် Live လုပ်နေပြီး Facebook မှာ ပြန်လည် မျှဝေတာတွေ လုပ်နေပါတယ်။

ဘုန်းကြီးကျောင်းမှာ အလှူလုပ်ပြီး ကလေးတွေအရှေ့မှာ ဖျော်ဖြေရေးတွေလည်း လုပ်နေပါတယ်။ ပုံမှန်အားဖြင့် အမြဲတမ်း မြန်မာစာကို လေ့လာနေပါတယ်။


ဒီကြားထဲမှာ MNTV ရဲ့ Happy Japan အစီအစဉ်ကို ကြည့်ခဲ့ရပါတယ်။ အဲ့ဒီအစီအစဉ်ကကော ပြီးသွားပြီလား။

အခုကတော့ ပြီးသွားပါပြီ။


အနုပညာသက်တမ်းဘယ်လောက်ရှိပြီလဲ။

တစ်ယောက်နဲ့တစ်ယောက်ကတော့ မတူဘူး

ကျွန်တော်ကတော့ ၁၁ နှစ်ရှိပြီ။

ကျွန်တော်ကတော့ ၁၂ နှစ်ရှိပြီ။

ကျွန်မကတော့ ၁၃ နှစ်ရှိပါပြီ။

ကျွန်တော်လည်း ၁၂ နှစ်ရှိပြီ။


မြန်မာနိုင်ငံမှာ ဟာသလုပ်နေတဲ့အတွေ့အကြုံ ဘယ်လောက်ရှိပြီလဲ။

၉ လလောက်တော့ရှိပြီ။


မြန်မာနိုင်ငံမလာခင် တခြားနိုင်ငံတွေမှာ ဟာသတွေဖျော်ဖြေဖူးတဲ့ အတွေ့အကြုံတွေကော ရှိလား။

မြန်မာက ပထမဆုံးဘဲဖြစ်ပါတယ်။ ပထမဦးဆုံးလာခဲ့တဲ့နိုင်ငံက မြန်မာနိုင်ငံပါ။ ဒီကြားထဲမှာတော့ ထိုင်းနိုင်ငံမှာ တစ်ကြိမ် Show လုပ်ဖူးပါတယ်။


မြန်မာနိုင်ငံမှာ ဟာသတွေလုပ်ဖို့ဘယ်လိုစိတ်ကူးရခဲ့တာလဲ။

ဂျပန်နိုင်ငံအကြောင်းတွေကို ပြောပြချင်တာတွေရော၊ ဂျပန်နိုင်ငံယဉ်ကျေးမှုကို ချဲ့ထွင်ချင်တာတွေကြောင့် လာခဲ့တာပါ။


မြန်မာနိုင်ငံမှာ ဟာသသရုပ်ဆောင်အဖြစ်လုပ်နေတဲ့အတောအတွင်း အခက်အခဲတွေရှိခဲ့ပါသလား။

ဟာသဆိုတာက နိုင်ငံရဲ့ ယဉ်ကျေးမှုကိုအခြေခံတဲ့အတွက် ဘာတွေက မြန်မာလူမျိုးတွေအနေနဲ့ စိတ်ဝင်စားနိုင်မလဲ၊ ဒါမှမဟုတ် ဂျပန်မှာဆိုရင် စိတ်ဝင်စားစရာကောင်းပြီး ဟာသအဖြစ်ရယ်ရတဲ့အရာတွေက မြန်မာလူမျိုးတွေကရော ဟာသအဖြစ် ရယ်ကြပါ့မလား။ အဲဒါတွေကို သိနိုင်ဖို့အတွက် Live တွေကို လုပ်နေပြီး ဘာမှတုံ့ပြန်မှုမရှိရင် အဲ့ဒါက စိတ်ဝင်စားဖို့ မကောင်းလို့ မရယ်ကြတာလား၊ ဘာလားဆိုတာ မသိနိုင်တဲ့အတွက် အဲ့လိုအခြေအနေတွေကတော့ ခက်ခဲတယ်လို့ထင်တယ်။ နောက်ပြီး မြန်မာမှာပြောလို့ မသင့်တော်တဲ့ အရာတွေက ဘာတွေလဲ။ ပြီးတော့ မြန်မာလူမျိုးတွေက ဘယ်လို ဟာသမျိုးဆိုရင်တော့ ရယ်ကြတယ်ဆိုတာကို ရှာဖွေရတာက အခက်ခဲဆုံးလို့ထင်ပါတယ်။

မြန်မာစာလေ့လာမှုနှင့်မြန်မာနိုင်ငံပေါ်အမြင်

မြန်မာစာကို ဘယ်လိုလေ့လာနေသလဲ။

မြန်မာလူမျိုး ဆရာထံမှသင်ယူနေပါတယ်။


မြန်မာစာကို ဘယ်အချိန်ကတည်းက စသင်ခဲ့တာလဲ။

မြန်မာလာပြီးတော့မှ စသင်ခဲ့တာပါ။ ၉လလောက်တော့ရှိပါပြီ။
မြန်မာနိုင်ငံမလာခင်ကတော့ Takada’s Baba မှာရှိတဲ့ မြန်မာစားသောက်ဆိုင်တွေမှာ သွားစားတာတွေလုပ်ပြီး အဲ့မှာရှိတဲ့ မြန်မာလူမျိုးတွေဆီကနေ ပေါ့ပေါ့ပါးပါး သင်ယူတာတွေလုပ်ခဲ့ပေမဲ့ သေသေချာချာ သင်ဖြစ်တာကတော့ မြန်မာကို ရောက်တော့မှပဲ သင်ဖြစ်တာပါ။


မြန်မာစာအသံထွက်က ခက်တယ်လို့ထင်သလား။

ဂျပန်လူမျိုးတွေအတွက် [က] နဲ့ [ခ] ရဲ့ အသံထွက်ကွာခြားချက်ကတော့ တော်တော်လေး ခက်ခဲတယ်။


မြန်မာနိုင်ငံအပေါ်အမြင်

မြန်မာလူမျိုးတွေက သဘောကောင်းတယ်။ တစ်ခါတုန်းက ကျွန်တော်တို့ လွယ်အိတ်ကိုမေ့ခဲ့ဖူးတယ်။ တခြားနိုင်ငံတွေမှာဆိုရင် ပိုက်ဆံအိတ်ကျပျောက်ခဲ့မယ်ဆိုရင် ပြန်မရနိုင်တော့ဘူးလို့ထင်ခဲ့ပေမဲ့ မြန်မာမှာကတော့ အဲ့ဒီ့ တက္ကစီသမားက ကျွန်တော်တို့ရှိတဲ့နေရာကို ပြန်လာပြီး လွယ်အိတ်ကို ပြန်ပေးခဲ့တယ်။ ဒီအချက်ကတော့ ဂျပန်နိုင်ငံနဲ့ဆင်တူတယ်လို့ထင်ပါတယ်။

အတော်လေး ကောင်းတဲ့နိုင်ငံလို့ထင်ပါတယ်။


မြန်မာနိုင်ငံက အလွန်ပူတဲ့အတွက် ကျန်းမာရေးအခြေအနေကဘယ်လိုလဲ။

အပူဒဏ်က ခန္ဓာကိုယ်မှာ သက်ရောက်မှုတော့မရှိပေမဲ့ အစကတော့ အစားအစာတွေကြောင့် ဗိုက်နာခဲ့တာတွေရှိခဲ့ပါတယ်။ အခုကတော့ တော်တော်လေးကို ကျင့်သားရသွားပြီဖြစ်လို့ စိုးရိမ်စရာမရှိတော့ပါဘူး။

အစပိုင်းကတော့ ရေအပြောင်းအလဲကြောင့် မျက်စိနာတာတွေဖြစ်ခဲ့ပါတယ်။

ကြိုက်နှစ်သက်သောမြန်မာအစားအစာများနှင့် သွားချင်သောနေရာများအကြောင်း

အကြိုက်ဆုံးမြန်မာအစားအစာက ဘာတွေလဲ။

ကျွန်တော်ကတော့ ဖရဲသီးကြိုက်တယ်။

မြန်မာရဲ့ ဝက်သားဟင်းကိုကြိုက်တယ်။

ရှမ်းခေါက်ဆွဲကိုကြိုက်တယ်။ စားလို့အရမ်းအဆင်ပြေတယ်။

ချဉ်ရည်ဟင်းကို ကြိုက်တယ်။

ကျိုက်ထီးရိုးကို သွားတဲ့အချိန်တုန်းက လမ်းမှာစားခဲ့တဲ့ မုန့်ဟင်းခါးက အရမ်းအရသာရှိတယ်။ ရန်ကုန်မှာစားခဲ့တဲ့ မုန့်ဟင်းခါးထက် ပိုစားကောင်းတယ်။


မြန်မာအိမ်ထမင်းဟင်းကိုကော စားလား။

ဟုတ်ကဲ့။ ကြက်သွန်မြိတ်ကြော်နဲ့ မြန်မာစတိုင်ဘဲဥကြော် လုပ်စားဖြစ်တယ်။

လက်ဖက်သုပ်

အားကီကကော လက်ဖက်သုပ်ကိုကြိုက်သလား။

ကျွန်တော်လည်း လက်ဖက်သုပ်ကြိုက်တယ်။ နေ့တိုင်း ၃နာရီပတ်ဝန်းကျင်လောက်ရောက်တာနဲ့ စားဖြစ်တယ်။

ထမင်းနဲ့ဝက်သားဟင်းကို ကြိုက်တယ်။


ခုနက ကျိုက်ထီးရိုးသွားဖူးတယ်လို့ပြောတယ်နော်။ အခြားကော ဘယ်နေရာတွေကိုသွားကြည့်ချင်လဲ။

ကျွန်တော်ကတော့ မြန်မာကို ရောက်နေတာကြာပြီ။ မြန်မာမှာ နေတာ ၆ နှစ်ရှိပြီဖြစ်လို့ နေရာအတော်များများကို သွားလည်ခဲ့ဖူးတယ်။ ငပလီ၊ ချောင်းသာ နဲ့ ငွေဆောင်ကမ်းခြေတို့ကိုလည်း ရောက်ဖူးတယ်။

ကျွန်တော်တို့ကတော့ ရန်ကုန်က ဘုရားတွေနဲ့ တိရစ္ဆာန်ရုံလောက်ပဲ သွားဖြစ်သေးတယ်။


လတ်တလော UNESCO ဝင်သွားတဲ့ ပုဂံကိုကော သွားကြည့်ချင်လား။

သေချာပေါက် သွားချင်တာပေါ့။ မိုးရာသီကုန်သွားရင် ပုဂံက မိုးပျံပူဖောင်းကို စီးကြည့်ချင်တယ်။

ကျွန်မက ပဲခူးရွှေသာလျောင်းဘုရားကိုလည်း သွားကြည့်ချင်တယ်။ နောက်ပြီးတော့ လှေနဲ့သွားရတဲ့ ရေလယ်ကျောက်တန်းကိုလည်း သွားကြည့်ချင်တယ်။


ဂျပန်ဘုရားကိုသိလား။

သိတယ်။ မှော်ဘီမှာရှိတယ်။ ပိတ်ရက်ဆိုရင် လူအယောက် ၁ဝဝကျော်လောက်တန်းစီနေတာကို စောင့်ပြီးမှ ဝင်ရတယ်။

ဟုတ်တယ်၊ ဟုတ်တယ်။ ပိတ်ရက်ဆို လူများတယ်လို့ကြားတဲ့အတွက်ကြောင့် သွားကြည့်ချင်တယ်။

ရန်ကုန်ကနေ ကားနဲ့ဆိုရင် မိနစ် ၃၀ လောက်နဲ့ သွားလို့ရတဲ့ နေရာဖြစ်တဲ့အတွက် ဆက်ဆက်သွားကြည့်ပါ။


မြန်မာမှာနေတဲ့ အတောအတွင်း ဘာအခက်အခဲတွေ ရှိခဲ့ပါသလဲ။

မီးပျက်တာ။

အင်း၊ ဟုတ်တယ်။ မီးပျက်တာကြောင့် ရေမရတာအဆိုးဆုံးဘဲ။ ဒါပေမဲ့ ဆိုးဆိုးရွားရွားကြီးကြုံခဲ့ရတာမရှိပါဘူး။ ကြွက်ထွက်လာမယ်ဆိုရင်တော့ကြောက်တယ်။


မြန်မာဝတ်စုံဝတ်ရတာကော ကြိုက်လား။

ဝတ်လေ့ဝတ်ထရှိပါတယ်။ အခု ဝတ်ပြရမလား။

ပုဆိုး ဝတ်ဆင်ပြထားသည့် အားကီ (ဘယ်) နှင့် မျက်မှန်ဆူရှီ (ညာ)

ဒုတိယပိုင်းဆက်ရန်…

rightside_img

アンケート登録

YANGON STYLE ではアンケートモニターを募集しています(無料)。

စစ်တမ်းကောက်ယူမှုအတွက် စာရင်းပေးသွင်းခြင်း

Yangon Style တွင် အွန်လိုင်းစစ်တမ်းကောက်ယူမှုများအတွက် ပါဝင်ဖြေဆိုလိုသူများကို စုဆောင်းလျှက်ရှိပါသည် (အခမဲ့ စာရင်းပေးသွင်းနိုင်ပါသည်)။စာရင်းပေးသွင်းထားပြီး စစ်တမ်းများကို ဖြေဆို၍ လက်ဆောင်ဖုန်းငွေဖြည့်ကတ်နှင့် လဲလှယ်နိုင်သော ပွိုင့်များကို ရယူလိုက်ကြရအောင်.........

登録

メールマガジン登録

YANGON STYLEの最新情報、会員特典情報を随時配信しています(週1回)。フォームから購読が可能です。

အီးမေးလ် မဂ္ဂဇင်းအတွက် စာရင်းပေးသွင်းခြင်း

Yangon Style မှာ အဖွဲ့ဝင်ပြုလုပ်ခြင်းဖြင့် တစ်ပတ်တစ်ကြိမ် နောက်ဆုံး သတင်းအချက်အလက်များကို သိရှိနိုင်ပါသည်။ အောက်ဖော်ပြပါ Button ကိုနှိပ်၍ အီးမေးလ် မဂ္ဂဇင်းအတွက် စာရင်းပေးသွင်းကာ ဖတ်ရှုနိုင်ပါသည်။

登録

広告掲載について

YANGON STYLE life&trend Mediaに広告掲載しませんか 商品訴求や人材募集など様々なジャンルでの広告主様を募集しています。

ကြော်ငြာကဏ္ဍ

YANGON STYLE life&trend Media ကဏ္ဍတွင် လူကြီးမင်းတို့၏ ကုန်ပစ္စည်းများနှင့် ဝန်ထမ်းခေါ်ယူမှု အစရှိသည့် ကဏ္ဍအမျိုးမျိုးနှင့်သက်ဆိုင်သော ကြော်ငြာများကိုလည်း ဝန်ဆောင်မှုပေးနေပါသည်။

お問い合わせ
feature_img
This error message is only visible to WordPress admins

Error: API requests are being delayed for this account. New posts will not be retrieved.

Log in as an administrator and view the Instagram Feed settings page for more details.