ပင်လယ်ရေမျက်နှာပြင်အထက် ပေ ၅၆၆၇ ပေမှာတည်ရှိတဲ့ တီးတိန်မြို့လေးဟာ ချင်းပြည်နယ်မြောက်ပိုင်းရဲ့အထင်ကရမြို့လေးတစ်မြို့ပါ။ တီးတိန်ဆိုတဲ့နာမည်လေးက တဲဒင်မ် (Tedim) ဆိုတဲ့ ချင်းဘာသာစကားကနေဆင်းသက်လာတယ်လို့ သိရပါတယ်။
(တဲ) ဆိုတာမြန်မာလို အရောင်တောက်ပခြင်းဆိုတဲ့ အဓိပ္ပာယ်ရှိပြီး (ဒင်မ်) ဆိုတာကတော့ ပြည့်သည် ဆိုပြီး ကမအဓိပ္ပာယ်ရပါတယ်။ ရေပြည့်နေတဲ့ကန်မှ အရောင်တောက်ခြင်းဆိုတဲ့ အဓိပ္ပာယ်ကိုဖော်ဆောင်ပါတယ်။
တီးတိန်မြို့လေးရဲ့ သက်တမ်းကတော့၄၆၄ နှစ်ရှိပြီဟု သမိုင်းများအရသိရပါတယ်။

တီးတိန်မြို့လေးကိုလာမယ်ဆိုရင်တော့ ကလေးကနေ ၄ နာရီခွဲဝန်းကျင်ခန့် တောင်တက်ကားများစီးပြီး လာနိုင်ပါတယ်။ လမ်းတစ်လျှောက် သိုင်းငင်ရွာနဲ့ လေထန်ကုန်များကိုဖြတ်ကျော်ပြီး နောက်မှာတော့ တီးတိန်မြို့လေးကို ရောက်ရှိမှာဖြစ်ပါတယ်။
တီးတိန်မြို့နဲ့အနီးမှာဘာတွေလည်ပတ်နိုင်မလဲဆိုရင် ကမ္ဘာ့စစ်ကာလအတွင်းကကျဆုံးခဲ့တဲ့စစ်သချိုင်း၊ သိုင်းငင်ရွာ၊ လေထန်ကုန်း၊ ကနေဒီတောင် နဲ့ ရှောင်စောန်းစံပြကျေးရွာနဲ့ မြန်မာနိုင်ငံရဲ့ အထင်ကရ ရိဒ်ရေကန် စတဲ့နေရာများကိုလည်ပတ်နိုင်ပါတယ်။

🔗 သိုင်းငင်ရွာ⛰
•••••••••••••••••

ကလေးကနေလာရင် အရင်ဆုံးရောက်တဲ့ အမြင့်ဆုံးရွာလေးပေါ့။ အရမ်းအေးတဲ့ အချိန်ဆို ရေတောင်ခဲပါတယ်😍😍😍 သိုင်းငင်မှာဘာတွေရမလဲဆိုတော့ မက်မန်းဝိုင်၊ စပျစ်ဝိုင်စတဲ့ တောင်ပေါ်ဒေသထွက်ဝိုင်တွေကို ရွာကအိမ်တွေမှာပဲ စျေးသက်သက်သာသာနဲ့ ဝယ်လို့
ရနိုင်ပါတယ်။ တစ်ခုတော့ရှိတယ် အရမ်းအေးတော့ အိမ်တိုင်းက တံခါးတွေပိတ်ထားကြတယ်။ တံခါးခေါက်ပြီး ဝင်ဝယ်လို့ရပါတယ်။ ချင်းရိုးရာဆာဗူးသီးလဲဝင်စားလို့ရတယ်နော်။🤩

🔗လေထန်ကုန်း ⛰
••••••••••••••••••

လေသာတောင်တန်းပေါ်မှာရှိတဲ့ လေထန်ကုန်းကတော့ ကလေးကနေလာရင်သိုင်းငင်ရွာအကျော်မှာရှိတာပါ။ ၂ နာရီလောက်မောင်းရင် ရောက်ပါတယ်။ လေထန်ကုန်းကတော့ လေထန်လွန်းလို့ အပင်တွေတောင် မပေါက်နိုင်ပဲ တောင်ဂတုံးအဖြစ်တည်ရှိနေတဲ့ ကုန်းတစ်ခုဖြစ်ပါတယ်။ သူ့ရဲ့ထူးခြားချက်ကတော့ လေထန်နေတဲ့ အချိန်တွေဆိုရင် အကျီ်၊ ပဝါစများပစ်ချရင်တောင် အောက်မကျပဲပြန်တက်လာပါတယ်။ အဲ့ဒါတော့ သဒ္ဓါလက်တွေ့စမ်းခဲ့ပါတယ်။ တကယ်ပြန်တက်လာတာ 🤭 လေထန်ကုန်းတစ်လျှောက် ဓာတ်ဖမ်းလို့လဲရှယ်မိုက်တာမို့ တီးတိန်သွားရင် လေထန်ကုန်းကိုဝင်ဖို့မမေ့နဲ့နော်။

🔗ကနေဒီတောင် ⛰
•••••••••••••••••••
ကနေဒီတောင်ကတော့ တီးတိန်မြို့မှာရှိတဲ့ ချင်းပြည်နယ်မြောက်ပိုင်းရဲ့ ဒုတိယအမြင့်ဆုံးတောင်ဖြစ်ပါတယ်။ ကနေဒီအကြောင်း အသေးစိတ်ကို အောက်က Link လေးမှာဝင်ရောက်ဖတ်ရှူနိုင်ပါတယ်ရှင့် ❤️

https://www.facebook.com/648027725593501/posts/875411326188472?sfns=mo

🔗 တီးတိန်မြို့ဗုဒ္ဓဿသနာပြုဘုန်းတော်ကြီးသင်ပညာရေးကျောင်း

တီးတိန်မှာရှိတဲ့ တစ်ခုတည်းသော ဗုဒ္ဓဿသနာပြု ဘုန်းတော်ကြီးသင်ပညာရေးကျောင်းပဲဖြစ်ပါတယ်။ သဒ္ဓါတို့သွားတိုင်း ကလေးတွေအတွက် အနွေးထည်၊ စာရေးကိရိယာနဲ့ကျောင်းအတွက် လိုအပ်တဲ့အသုံးအဆောင်များကိုလှူဖြစ်ပါတယ်။ အဲ့တော့ ကြုံလို့ရောက်ခဲ့ရင်လဲ ဝင်ခဲ့ဖို့မမေ့နဲ့နော် ☺️

🔗ချင်းရိုးရာသမိုင်းဝင် ရှောင်စာန်းစံပြကျေးရွာ ⛰
•••••••••••••••••••••••••••••••••••••••••••
တီးတိန်မြို့လေးရဲ့ အစွန်ဆုံးမှာရှိတဲ့ ရှောင်စောန်းရွာလေးဟာလဲ မသွားမဖြစ်နေရာလေးတစ်ခုပါနော်။ ချင်းရိုးရာအိမ်လေးလဲရှိတယ်။ ကြည့်မျှော်စင်လေးလဲရှိတော့ တီးတိန်တစ်မြို့လုံးကိုလဲမြင်ရတယ်လေ။ လေ့လာစရာတွေအများကြီးပဲ ရွာထဲမှာ။ ရှောင်စောန်းရွာအသေးစိတ်ကိုလဲ အောက်က Link ထဲမှာဝင်ရောက်ဖတ်ရှုနိုင်ပါတယ်ရှင့် 😍

https://www.facebook.com/648027725593501/posts/752129175183355?sfns=mo

🔗မြန်မာပြည်ရဲ့အသည်းနှလုံးရှိရာ ရိဒ်ရေကန် ⛰
••••••••••••••••••••••••••••••••••••••••••••
ရိဒ်ရေကန်ကတော့ ဘာမှထွေထွေထူးထူးပြောစရာလိုမယ်မထင်ပါဘူး။ တီးတိန်ကနေဆို ရိဒ်ကို ၃၁ မိုင်ကားမောင်းရပါတယ်။ လမ်းနဲနဲကြမ်းတော့ ၃နာရီကျော်လောက်တော့မောင်းရပါတယ်။ ရိဒ်ရေကန်အကြောင်း အသေးစိတ်ကို အောက်က Link မှာဝင်ရောက်ဖတ်နိုင်ပါတယ်ရှင့် ☺️

https://www.facebook.com/648027725593501/posts/651820391880901?sfns=mo

🔗တီးတိန်မြို့ချင်းရိုးရာခွာဒိုပွဲ🎉
•••••••••••••••••••••••••••••
ခွာဒိုပွဲဆိုတာ ချင်းပြည်နယ်မှာပြုလုပ်တဲ့ ရိုးရာပွဲတစ်ခုပါ။ တစ်နည်းအားဖြင့် ရိုးရာကောက်သစ်စားပွဲလို့လဲပြောလို့ရပါတယ်။ နှစ်စဉ်အောက်တိုဘာလမှာပြုလုပ်လေ့ရှိတဲ့ ပျော်ပွဲရွှင်ပွဲတစ်ခုပါ။ တစ်မြို့လုံးနီးပါး ကောက်သစ်စားပွဲ (ခွာဒိုပွဲ)ကိုဆင်နွှဲကြပြီး ရှောင်စောန်းရွာမှာလဲ ပြုလုပ်ပါတယ်။ တစ်နှစ်ပတ်လုံး အလုပ်လုပ်ခဲ့သမျှ ကောက်သစ်စားပြီးချိန်တွင် ပျော်ရွှင်စွာ အနားယူအပန်းဖြေကြခြင်းဖြစ်တယ်လို့ သိခဲ့ရပါတယ်။ သဒ္ဓါတို့လဲရိုးရာပွဲနဲ့ကြုံလို့ဝင်ကြည့်ခဲ့ကြသေးတယ်။

🔗 တီးတိန်ရောက်ရင်ဘာတွေစားပြီး ဘယ်မှာတည်းမလဲ????
တီးတိန်ရောက်ရင် ချင်းရိုးရာဆာဗူးသီးနဲ့ တီးတိန်ကော်ဖီကတော့ မသောက်မဖြစ်ပါ။ တောင်ပေါ်ကော်ဖီပူပူလေးနဲ့လိုက်ဖက်တာကတော့ ချင်းဒိုးနပ်လို့ခေါ်ကြတဲ့ မုန့်လက်ကောက်လိုအကွင်းလေးတွေပါ။ ကော်ဖီဆိုင်တွေမှာရပါတယ်။ ရောက်ရင် စားကြည့်ခဲ့နော် ❤️တည်းခိုဖို့ဆိုရင်တော့ တီးတိန် Guest House ရှိပါတယ်။

☎️ တီးတိန် Guest House – 09459600480

သတိထားဖို့အချက်ကတော့ တနင်္ဂနွေဆို တစ်မြို့လုံးနီးပါး ဘုရားကျောင်းသွားကြတဲ့အတွက် ဘာဆိုင်မှမဖွင့်ပါဘူးနော်။ ထမင်းစားဖို့တောင် ထမင်းဆိုင်မဖွင့်ပါဘူး။ အဲ့တစ်ခုတော့ သတိထားပြီးမှသွားပါနော်။

ဒီလောက်ဆို တိမ်တွေအထက်က တီးတိန်မြို့လေးကိုသွားလည်ဖို့အဆင်ပြေလောက်မယ်ထင်ပါတယ်🤩

အားလုံးပဲ အန္တရာယ်ကင်းကင်းနဲ့ ကျန်းမာပျော်ရွှင်စွာဖြင့် ခရီးသွားလာနိုင်ကြပါစေနော် 😍😍😍

#TDsTravelNotes #Tedim #NorthernChin
#Myanmar

Credit : https://www.facebook.com/TravelholicThader/