ဆိုင်နာမည်လေးက ရှမ်းရိုးရာတဲ့ လှည်းတန်း ဇေယျာသီရိလမ်းထဲအတိုင်း ဝင်သွားရင်ရတယ်

ဆိုင်နာမည်လေးကတည်းက မာလာအကင်နဲ့ စားဖွယ်စုံတဲ့ အကင်လည်း တစ်နေကုန်ရတယ် စားစရာလည်း အစုံပဲ ရောက်သွားတော့ ဇေယျာသီရိလမ်းထဲမှာ ဆိုင်တော်တော်များတာပဲ ဒီဆိုင်လေးက ဘတ်ဂျတ်နည်းပြီး‌တော့ ဈေးတန်တာထက်ပိုတဲ့ ဆိုင်လေးမို့ လမ်းညွှန်ပေးလိုက်တာ

အကင်တွေကို မာလာအနှစ်ဆမ်းထားတော့ ဈေးကြီးမယ်ထင်ထားတာ အကင်တွေက 300ကျပ်တွေများပြီး အများဆုံး ၅၀ဝကျပ်ဆိုတော့ တန်ပြီးရင်းတန်ပဲ အကင်တွေလည်း အအေးခန်းထဲမှာ ထည့်ထားတာ အစုံပဲ ယိုးဒယားအကင်စုံ၊ ကြက်နဲ့ပတ်သက်တာအစုံ၊ ဝက်သားအစုံ၊ ပင်လယ်စာလေးတွေနဲ့ အသီးအနှံလေးတွေ အစုံပါပဲ

ဆိုင်ထဲမှာလည်း ဆိုင်းဘုတ်လေးတွေချိတ်ထားတယ် ကယားခေါင်ရည်တဲ့ ကယားခေါင်ရည်စစ်စစ်တဲ့ ဒါနဲ့မည်းစမ်းကြည့်ခဲ့တယ် တစ်အိုးကို ၂၀ဝ၀ နဲ့ ၁လီတာ ကို ၆၀ဝ၀ရောင်းတယ် မသောက်ဖူးရင်တော့ မူးမယ်ဗျ အစစ်ဆိုတော့ ပျင်းတယ် မည်းစမ်းကြည့်ခဲ့ပါ ရန်ကုန်မှာ ကယားခေါင်ရည်စစ်စစ်ရတာ ရှားတယ်

အစားအစာတွေလည်း တော်တော်စုံတယ် ဘာတွေရလည်းဆိုတော့ ရိုးရာဆိုတဲ့အတိုင်း တိုင်းရင်းသားအစားအစာတွေ အရင်းတည်ထားတာဖြစ်တဲ့အတွက် ရိုးရာအစားအစာတွေ တော်တော်စုံစုံရတယ်

ဆိုင်လေး နေရာကျယ်ဝန်းသလို အေးအေးဆေးဆေးပဲ ဈေးလည်းတန်တယ် ဝန်ထမ်းတွေ၊ ‌ကျောင်းသားတွေကအစ စားနိုင်တဲ့ဆိုင်လေး အရသာလည်း ကောင်းတယ်

စားဖြစ်ခဲ့တာတွေကတော့ တိုင်းရင်းသားဆိုင်‌ဆိုတော့ ရိုးရာအစားအစာလေးတွေ စားကြည့်ခဲ့တယ် ဟင်းတွေနဲ့ သေချာစားမယ်ဆို ထမင်းဖြူလေးနဲ့မှ ဟင်းအရသာပေါ်လွင်တာမလား

ကြက်သောက်ဆမ်း ၃၀ဝ၀

ကြက်သောက်ဆမ်းဆို ထမင်းမစားခင်လေး မြည်းကြည့်မယ်ဆို တော်တော်လန်းသွားတယ်ဗျ ကြက်သားတွေလည်း များပြီး ပူပူလေးသောက်ရင် ခေါင်းမူးနေတာတွေတောင် ပျောက်သွားမယ်

ငါးသံပရာပေါင်း ၅၀ဝ၀

ငါးသံပရာပေါင်းလည်း must try ပါ ငါးသံပရာပေါင်းကိုမှ သံပရာပေါင်းတာရသလို မာလာနဲ့ပေါင်းတာလည်းရတယ် သံပရာပေါင်းလည်း ‌အကောင်းကြီးသလို ချဉ်ငံစပ်လေး တော်တော်ကောင်းတယ်

ကြက်ကချင်ချက် ၂၅၀ဝ

ကြက်ကချင်ချက်ကတော့ ကချင်ဆိုင်စစ်စစ်စားဖူးထားတော့ ဒီဆိုင်က ကချင်ချက်ကိုတော့ စားရတာ သိပ်အားမရဘူး ဒါပေမဲ့ အသားတွေများတယ် ဈေးကွာတာကြောင့်လည်းထင်ပါတယ် ဒီဆိုင်က ဈေးနည်းတယ်

မှိုကန်စွန်း ၁၅၀ဝ

မှိုကန်စွန်းလည်း တော်တော်မိုက်ပါတယ် ကယားခေါင်ရည်သောက်ပြီး ရီဝေလာရင် ကန်စွန်းရွက်လေးနဲ့ လိုက်ချက်ပဲ

အအေးတွေလည်း အသီးဖျော်‌ရည်တွေလည်း ကောင်းကောင်းရတယ် ပြီးတော့ အခွန်ဘယ်လိုယူလဲတော့ မသိဘူး ၃၀ဝပဲ ကျခဲ့တယ် service charge လည်း မပေးခဲ့ရဘူး ဒါပေမဲ့ တော်တော်ဝန်ဆောင်မှုကောင်းပါတယ် best ပါ

ဆိုင်လိပ်စာလေးကတော့..

“ ရွှေရိုးရာ”
(မာလာအကင်နှင့် စားဖွယ်စုံ)

အမှတ်(၁၀)၊ ဇေယျာသီရိလမ်း၊ လှည်းတန်း၊ ကမာရွက်မြို့နယ်၊ ရန်ကုန်။

09 – 780070411

Yangonstyle #Shweyoeyar #Nay

food #hledan

By : Nay