Samsung က အရင်တုန်းကတော့ Note Series များကိုတစ်နှစ်မှာ မော်ဒယ်တစ်ခုသာ ထုတ်လုပ် ရောင်းချခဲ့ပါတယ်။ ဒီနှစ်မှာ မော်ဒယ်လေးမျိုးလောက် ထုတ်လုပ်ရောင်းချမယ်လို့ သတင်းထွက်ခဲ့ပါတယ်။ Galaxy S Series များလို မော်ဒယ်များစွာထုတ်လုပ်ရောင်းချမယ်လို့ သတင်းထွက်ခဲ့တာပါ။ ဒါပေမဲ့ နောက် ပိုင်းသတင်းများအရ Galaxy Note မော်ဒယ်နှစ်ခုသာ ထုတ်လုပ်ရောင်းချမယ်လို့ သိရပါတယ်။

Note 10 နဲ့ Note 10 Pro လို့ အမည်ပေးထားမှာဖြစ်ပါတယ်။ အခုတော့ သူတို့ရဲ့ Key Specs များကို သိလာရပါပြီ။ Galaxy Note 10 Pro မှာ 6.8 လက်မ Dynamic AMOLED Display ထည့်သွင်းထားမှာပါ။ 4170mAh Battery ပါမယ်လို့ပြောပါတယ်။ 1TB Storage အထိ ရွေးချယ်နိုင်မယ်လို့ သိရပါတယ်။ အခြေခံမော်ဒယ်မှာ 256GB Storage ထည့်သွင်းထားမှာပါ။ အရင်သတင်းထွက်ခဲ့သလို 45W Charging မပါဘဲ 25W Charging သာ ပါလာမှာပါ။

Galaxy Note 10 Pro မှာ Snapdragon 855 Chipset or Exynos 9825 Chipset ပါမယ်လို့ သိရပါတယ်။ နိုင်ငံအလိုက် Chipset ကွဲပြားမှာ ဖြစ်ပါတယ်။ အနောက်ဘက်မှာ ကင်မရာသုံးလုံးကို ဒေါင်လိုက်တပ်ဆင်ထားမှာဖြစ် ပါတယ်။ အရှေ့ဘက်မှာ Punch Hole Camera ထည့်သွင်းထားမှာပါ။

Galaxy Note 10 မှာ 6.4 လက်မ Dynamic AMOLED Screen ပါလာမှာပါ။ 128GB Storage , 4170mAh Battery များ ပါမယ်လို့သိရပါတယ်။ သြဂုတ်လ 10 ရက်နေ့မှာ ကြေညာနိုင်ပါတယ်။