အီတလီလူမျိုး အင်ဂျင်နီယာ Giorgio Rosa ဟာ စက်မှုကျောင်းသားတစ်ယောက်ဖြစ်ပြီး နိုင်ငံတကာရေပိုင်နက်မှာ ကိုယ်ပိုင်လွတ်လပ်တဲ့နိုင်ငံတစ်ခုတည်လို့ အီတလီအစိုးရနဲ့ UN အထိတောင် ဖြေရှင်းလိုက်ရတဲ့ တကယ့်အဖြစ်အပျက် ဇာတ်ကားတစ်ကားဖြစ်ပါတယ်။

၂၀၂၀ ဒီဇင်ဘာ လဆန်းမှ ထွက်ထားတာဖြစ်ပြီး ကြည့်ရှုသူများပြားနေတဲ့ဇာတ်ကားကောင်းလေးတစ်ကားဖြစ်ပါတယ်။ Drama/ Comedy ဇာတ်လမ်းအမျိုးအစားဖြစ်ပြီး  ကြာမြင့်ချိန် ၂နာရီ ကြာမြင့်ပါတယ်။  

ဇာတ်လမ်းရဲ့အစက အင်ဂျင်နီယာ Giorgio Rosa ဟာ ကျောင်းသားဘဝကတည်းက ကိုယ်ပိုင်တီထွင်ထားတဲ့ကားနဲ့ မောင်းနေတဲ့သူတစ်ယောက်ဖြစ်ပါတယ်။ တစ်နေ့ ကောင်မလေးတစ်ယောက်နဲ့ ဒိတ်ရင်း လိုင်စင် နံပါတ်ပြားမပါတဲ့ကားစီးလို့ ရဲဖမ်း အချုပ်ကျခံလိုက်ရပါတယ်။ အချူပ်တစ်ရက်ကျပြီး သူ့တီထွင်မှုတွေ အဆုံးမသတ်ပဲတိုးလို့သာလာခဲ့ပါတယ်။ လွတ်လပ်တဲ့ နိုင်ငံတစ်ခု ထူထောင်ဖို့ သူ့စိတ်ထဲ ဝင်လာပါတော့တယ်။

ကျောင်းနေဘက်သူငယ်ချင်း ရေနံသူဌေးရဲ့သား အင်ဂျင်နီယာ တစ်ယောက်နဲ့ လွတ်လပ်နဲ့ကိုယ်ပိုင်နိုင်ငံတစ်ခုကို တည်ဆောက်ဖို့ တိုင်ပင်ကြပါတယ်။ သူတို့နှစ်ယောက်ပေါင်းမိသွားပြီး နိုင်ငံတကာရေပိုင်နက်ထဲမှာ လွတ်လပ်တဲ့နိုင်ငံတစ်ခုကို တည်ဆောက်ကြပါတယ်။ အီတလီကနေ ရေမိုင် ၆မိုင်မျှသာ ကွာဝေးတာဖြစ်ပြီး ဆောက်ရင်း စားသောက်ဆိုင်များ club နဲ့ အပန်းဖြေနေရာလုပ်ပြီး ပြည်သူတွေကို ဖိတ်ခေါ်လိုက်တဲ့အချိန်မှာ လူအများအပြားလာရောက်လည်ပတ်ကြလို့ တဟုန်ဒိုး နာမည်ကြီးသွားခဲ့ပါတယ်။ ၁၉၆၈ မှာ အမည်ကို Republic of Rose Island လို့ ပေးခဲ့တယ်။ ကိုယ်ပိုင်အလံ၊ ကိုယ်ပိုင်တံဆိပ်ခေါင်း၊ ကိုယ်ပိုင်ငွေကြေးနဲ့ ဖြစ်သွားခဲ့တယ်။ အင်ဂျင်နီယာ Giorgio Rosa ကတော့ သမ္မတပေါ့။

Giorgio Rosa က ကမ္ဘာ့ကုလသမ္မဂ ကို စာရေးပြီး Rose Island ကို လွတ်လပ်တဲ့ နိုင်ငံတစ်ခုအဖြစ်သတ်မှတ်ပေးဖို့ စာရေးပြီး တောင်းဆိုခဲ့တယ်။ အီတလီအစိုးရကလည်း လက်မခံဘဲ နောက်ဆုံး Rose Island ကို အီတလီစစ်တပ်က ဖျက်ဆီးလိုက်ကြတယ်။ ဒီဇာတ်လမ်းက တကယ့်အဖြစ်အပျက်ကို အခြေခံရိုက်ကူးတားတဲ့ ဇာတ်ကားလေးတစ်ကားဖြစ်ပြီး အင်ဂျင်နီယာဆိုတာဘာလဲဆိုတာပြသလိုက်တဲ့ ဇာတ်ကားလေးတစ်ကားလို့မြင်မိတယ်။ ဒီအဖြစ်အပျက်ပြီးတဲ့အချိန်မှာ နိုင်ငံတကာရေပိုင်နက်ကို ရေမိုင် ၆ မိုင်ရှိရာကနေ ရေမိုင် ၁၂မိုင်အထိ တိုးချဲ့လိုက်ရတဲ့ တကယ့်အဖြစ်အပျက်ဖြစ်လို့ ကြည့်ရှုသင့်တဲ့ ဇာတ်ကားကောင်းလေးတစ်ကားပဲဖြစ်ပါတယ်။

By : Nay