ဒီနေ့ခေတ်မှာ မိန်းကလေးတွေ အသုံးပြုကြတဲ့ လက်သည်းဆိုးဆေးဆိုတာ ဘယ်ကနေ စတင်ဖြစ်ပေါ်လာတာလဲ ဆိုတာကို စဉ်းစားကြည့်ဖူးလား ?

တကယ်တော့ လက်သည်းဆိုးဆေးဆိုတာ လွန်ခဲ့တဲ့ နှစ်ပေါင်း ၅၀၀၀၊ ဘီစီ ၃၂၀၀ ကတည်းက စတင်ဖြစ်ပေါ်ခဲ့တာဖြစ်ပါတယ်။ ထုူးဆန်းတာကတော့ မူလအစမှာ အမျိုးသားတွေက အဓိကအသုံးပြုခဲ့တာပဲ ဖြစ်ပါတယ်။ ဘေဘီလိုးနီးယားနိုင်ငံရဲ့ တောင်ဘက်က Chaldees နိုင်ငံမှာ ရှိတဲ့ တော်ဝင်အုတ်ဂူတွေရဲ့ ဖော်ပြချက်အရ ထိုခေတ်တုန်းက အမျိုးသားတွေဟာ လက်သည်းဆိုးဆေးကို အသုံးပြုပြီး မိမိတို့ရဲ့ နေထိုင်မှုအဆင့် အတန်းကို ဖော်ပြကြတယ်လို့ သိရပါတယ်။

ထိုခေတ်တုန်းက အမျိုးသားတစ်ဦးဟာ သာမန်စစ်သည်ကနေ ခေါင်းဆောင်အထိ အဆင့်အတန်းရှိနေပြီး လက်သည်းဆိုးဆေး အရောင်မည်းနက်လေလေ အဲဒီအမျိုးသားရဲ့ အဆင့်အတန်းဟာ မြင့်မားလေဖြစ်ပါတယ်။ လက်သည်းဆိုးဆေး အရောင်နုလေလေ အဲဒီအမျိုးသားရဲ့ အဆင့်အတန်းဟာ နိမ့်ကျလေ ဖြစ်ပါတယ်။

တချို့က တော့ လက်သည်းဆိုးဆေးသည်တရုတ်နိုင်ငံမှစတင်ခဲ့ပြီးဘီစီ ၃၀၀၀ မှစတင်ခဲ့တယ်လို့ မှတ်တမ်းအရသိရပါတယ်။ ဘီစီ ၆၀၀ ခန့်မှာ Zhou မင်းဆက်တွင်တော်ဝင်လက်သည်းဆိုးဆေး အရောင်မှာ ရွှေနှင့်ငွေဖြစ်ပါတယ်။ထိုနောက် တွင် အနီပုတ်ရောင်နှင့် အနက်ရောင်တို့က ပိုမိုခေတ်စားလာခဲ့ပါတယ်။

ခေတ်အဆက်ဆက်ပြောင်းလာတဲ့ အခါ ဒီနေ့ခေတ်မှာတော့ အမျိုးသားတွေဟာ လက်သည်းဆိုးဆေးကို အသုံးပြုခြင်းမရှိတော့ဘဲ အမျိုးသမီးတွေသာ အသုံးပြုတော့တာ ဖြစ်ပြီး လက်သည်းဆိုးဆေး အသုံးပြုတဲ့ အမျိုးသားတွေကိုတော့ Gender Fluid လို့ ခေါ်ဝေါ်ကြပါတယ်။

ဒီနေ့ခေတ်မှာ လက်သည်းဆိုးဆေး အသုံးပြုထားတဲ့ ကမ္ဘာ့နာမည်ကြီးအမျိုးသားတွေကတော့ အဆိုတော် Harry Style ၊ Troye Sivan ၊ ရုပ်ရှင်သရုပ်ဆောင် Zac Efron ၊ Jayden Smith ၊ Brad Pitt တို့ကို ညွှန်ပြရတော့မှာပဲ ဖြစ်ပါတယ်။

Revlon ကတော့ အစောဆုံးလက်သည်းနီထုတ်လုပ်တဲ့ company ဖြစ်ပါတယ်။ Charles Revson နှင့် အကိုဖြစ်သူ Joseph တို့က ၁၉၃၂ ခုနှစ်နှစ်မှာ စတင်တည်ထောင်ခဲ့တာဖြစ်ပါတယ်။

By : TT