မြန်မာ့အသံနှင့်ရုပ်မြင်သံကြား နိုင်ငံတော်သံစုံတီးဝိုင်းနှင့် ဂျပန်နိုင်ငံမှ အနုပညာရှင်များ ပူးပေါင်းဖျော်ဖြေတင်ဆက်သော Myanmar National Symphony Orchestra Concert 2020 ဖျော်ဖြေပွဲကို ဖေဖော်ဝါရီ ၂၀ ရက်၊ ညနေ (၆)နာရီက ရန်ကုန်မြို့၊ ပြည်လမ်းရှိ Novotel Hotel မှာ ကျင်းပခဲ့ပါတယ်။

ဒီဖျော်ဖြေပွဲမှာ မြန်မာ့အသံနှင့် ရုပ်မြင်သံကြား နိုင်ငံတော်သံစုံတီးဝိုင်းနှင့်အတူ ဂျပန်နိုင်ငံမှ ဂီတစာဆို တီးဝိုင်းခေါင်းဆောင် Mr.Yunosuke Yamamoto (Conductor and Composer) ဦးဆောင်ပြီး Ms.Kyoko Koyama မှ Piano တေးသွားများနှင့် ဂျပန်တေးဂီတ  အနုပညာရှင်များက ပါဝင်တီးခတ်ခဲ့ပါတယ်။

၄င်းအစီအစဉ်တွင်

Dvorak    – Symphony No.9

Bethoven – Piano Concerto No.5

Anderson                – Bugler’s Holiday

Anderson                – The Syncopated Clock

Anderson                – Fiddle – Faddle

Mynmar Folk Song

Lu Chon Lu Kaung

Bal Pann Chi Yae Lo Ma Mhi

စသည့် တေးသွားများဖြင့် ဖျော်ဖြေတင်ဆက်ခဲ့ကြပါတယ်။

Mr..Yunosuke Yamamoto ဦးဆောင်သော Symphnoy Orchestra Concert အဖွဲ့သည် မြန်မာနိုင်ငံတွင် (၂၀၁၅)ခုနှစ်မှ စတင်ကာ ဖျော်ဖြေပွဲများကို ပါဝင်တင်ဆက်ခဲ့ခြင်းဖြစ်ပြီး ယခု ၂၀၂၀ ခုနှစ်တွင် Novotel Hotel ၌ ကျင်းပသော ဖျော်ဖြေပွဲသည် (၆)ကြိမ်မြောက် လာရောက်၍ ပါဝင်ဖျော်ဖြေ တင်ဆက်ခဲ့ခြင်းဖြစ်ပါတယ်။

Myanmar National Symphony Orchestra Concert 2020 ဖျော်ဖြေပွဲကို ဖေဖော်ဝါရီ ၂၀ ရက်တွင် ရန်ကုန်မြို့၊ Novotel Hotel တွင်ကျင်းပခဲ့ပြီး ဖေဖော်ဝါရီ ၂၅ ရက်တွင် နေပြည်တော်ရှိ MICC-2 တွင်လည်း ဖျော်ဖြေတင်ဆက်မည်ဖြစ်ကြောင်း သိရပါတယ်။

ယခုဖျော်ဖြေပွဲများကို အများပြည်သူ ဂီတသံစဉ်ချစ်မြတ်နိုးသူများအတွက် အခမဲ့ဖျော်ဖြေတင်ဆက်ပေးထားခြင်းဖြစ်ပါတယ်။

By: Kyaw Thura Tun