Huawei အနေနဲ့ nova 5 ဖုန်းတွေ မိတ်ဆက်အပြီးမှာ နောက်ဆုံးပေါ် MediaPad M6 မော်ဒယ်တွေကို ပြသထားပါတယ်။ MediaPad M6 ကို ၈.၄ လက်မနဲ့ ၁၀.၈ လက်မဆိုပြီး နှစ်မျိုး ထုတ်လုပ်ထားပါတယ်။ မော်ဒယ် နှစ်မျိုးရဲ့ ကွာခြားချက်ကတော့ ဘက်ထရီပမာဏပဲ ဖြစ်ပါတယ်။

MediaPad M6 မှာ LCD panel နဲ့ရုပ်ထွက်အရည်အသွေးက 2560x 1600 pixel ပါဝင်ပြီး ဘေးဘောင်သေးငယ်ပါတယ်။ မျက်နှာပြင် ၁၀.၈ လက်မအရွယ် ထုတ်ကုန်မှာ ဘက်ထရီ 7,500mAh နဲ့ မျက်နှာပြင်သေးငယ်တဲ့ မော်ဒယ်မှာတော့ 6,100mAh ပါဝင်လာပါတယ်။

MediaPad M6 ထုတ်ကုန် နှစ်မျိုးစလုံးမှာ ရှေ့ကင်မရာ 8MP နဲ့ကျောဘက်ကင်မရာ 13MP တို့ပါဝင်လာပါတယ်။ ဒါ့အပြင် Huawei ဟာ Harman Kardon အမှတ်တံဆိပ် စပီကာ ၄ လုံးကို ထည့်သွင်းထားပါတယ်။

Huawei MediaPad M6 8.4 နဲ့ 10.8 တို့အတွက် Kirin 980 SoC နဲ့ RAM 4GB အပြင် 64GB ဒါမှမဟုတ် 128GB စတဲ့ storage တစ်မျိုးကို ဝယ်ယူနိုင်ပါတယ်။ Android 9.1 အခြေခံ EMUI 9.1 ကိုအသုံးပြုထားပါသေးတယ်။

Huawei ဟာ အလုပ်လုပ်ကိုင်နိုင်ဖို့အတွက် keyboard case တစ်မျိုးကို ထုတ်လုပ်ထားပါတယ်။ အဲဒီ case မှာ USB Type-C port တွေ၊ ၃.၅ မီလီမီတာ audio အပေါက်နဲ့ microSD ကတ်ပေါက်တို့ ပါဝင်လာပါတယ်။

မျက်နှာပြင်အရွယ် ၁၀.၈ လက်မ MediaPad M6 ကိုကြိုတင်မှာယူနိုင်ပြီ ဖြစ်ပြီး ဇူလိုင် ၁၀ ရက်မှာ စတိုးဆိုင်တွေပေါ် ရောက်ရှိမှာပါ။ အခြေခံ Wi-Fi သီးသန့် 4GB/64GB ကို ၃၃၅ ဒေါ်လာနဲ့ ဆယ်လူလာကွန်ရက်ထောက်ပံ့မှုပါတဲ့ ဗားရှင်းကို ၅၁၀ နဲ့ရောင်းချမှာ ဖြစ်ပါတယ်။

၈.၄ လက်မအရွယ် မော်ဒယ်ကိုတော့ ဇူလိုင် ရ ရက်မှာ ကြိုတင်မှာယူနိုင်ပြီး ဇူလိုင် ၂၀ ရက်မှာ ရောင်းချမှာ ဖြစ်ပါတယ်။ Wi-Fi မော်ဒယ်သီးသန့် 4/64GB မော်ဒယ်ကို ဒေါ်လာ ၂၉၀ နဲ့ ဆယ်လူလာဗားရှင်း4/128GB အတွက် ၃၉၂ ဒေါ်လာနဲ့ ရောင်းချသွားမှာ ဖြစ်ပါတယ်။

Ref: GSMArena

Credit : www.internetjournal.media