LG ဟာ လာမယ့် MWC 2019 ပွဲမှာ LG G8 ThinQ နှင့် LG V50 ThinQ 5G စမတ်ဖုန်းတို့ကို ကြေညာသွားပါမယ်။ LG ဟာ ယင်းဖုန်းများကို မကြေညာခင်မှာ အလယ်အလတ်တန်း စမတ်ဖုန်းသစ် 3 မျိုးတို့ကို ကြေညာလာပါတယ်။ LG Q60 ၊ LG K50 နှင့် LG K40 တို့ ဖြစ်ပါတယ်။

(1). LG Q60

LG Q60 မှာ ထူးခြားလာတာကတော့ ကင်မရာပိုင်း ဖြစ်ပါတယ်။ ကျောဘက်ကင်မရာသုံးလုံး ပါ၀င်လာပါမယ်။ အဓိကကင်မရာဆင်ဆာက 16MP ဖြစ်ပြီး ကျန်ကင်မရာနှစ်လုံးက 5MP Ultra-Wide Angle Lens နှင့် 2MP Depth Sensor ဖြစ်ပါတယ်။ အလယ်အလတ်တန်း စမတ်ဖုန်းဖြစ်တာနဲ့အညီ ကင်မရာအမြင့်စား မသုံးလာတာ အံ့သြစရာတော့ မဟုတ်ပါဘူး။

Q60 မှာ မျက်နှာပြင် 6.26 လက်မ 19:5:9 Aspect Ratio FullView Display ၊ Waterdrop Notch သုံးထားပါတယ်။ ဒီဖုန်းက Waterdrop Notch သုံးထားတဲ့ ပထမဆုံး LG စမတ်ဖုန်း ဖြစ်ပါတယ်။ Notch အတွင်းမှာ ရှေ့ကင်မရာ 13MP ပါ၀င်ပါတယ်။ HD+ ရုပ်ထွက် သုံးထားပါတယ်။ 2.0GHz Octa-core Processor နှင့် အထိုင်ချထားပါတယ်။ Chipset အမည်ကိုတော့ မပြောကြားထားပါဘူး။ RAM 3GB နှင့် Storage 64GB ပါ၀င်ပါတယ်။ micro SD မှ ထပ်တိုးလို့ ရပါမယ်။

ကျောဘက်မှာ လက်ဗွေရာစနစ်ပါ၀င်ပြီး ဘက်ထရီ 3500 mAh ပါ၀င်ပါတယ်။

(2). LG K50

LG K50 က Q60 နှင့် မျက်နှာပြင်နှင့် ရုပ်ထွက် အတူတူဖုန်း ဖြစ်ပါတယ်။ ဒီဖုန်းကိုလည်း Octa-core Processor နှင့်ပဲ ပါ၀ါထောက်ပံ့ထားပါတယ်။ RAM 3GB နှင့် Storage 32GB ပါ၀င်ပါတယ်။ ကျောဘက်ကင်မရာနှစ်လုံးပဲပါ၀င်ကာ 13MP + 2MP ဖြစ်ပါတယ်။ လက်ဗွေရာစနစ်ကို ကျောဘက်ကင်မရာနှစ်လုံးအောက်မှာ ထည့်သွင်းထားပါတယ်။

ရှေ့ကင်မရာ 13MP နှင့် ဘက်ထရီ 3500 mAh ပါ၀င်ပါတယ်။

(3). LG K40

LG K40 မှာ မျက်နှာပြင် 5.7 လက်မ HD+ FulView Display သုံးထားပါတယ်။ Notch မပါ၀င်ပါဘူး။ ကျောဘက်ကင်မရာ 16MP တစ်လုံးတည်းပဲပါ၀င်ပြီး ရှေ့ကင်မရာက 8MP ဖြစ်ပါတယ်။ ကင်မရာနှစ်ဖက်စလုံးအတွက် LED Flash ထောက်ပံ့ထားပါတယ်။

2.0GHz Octa-core Processor ၊ RAM 2GB နှင့် အထိုင်ချထားပြီး Storage 32GB ပါ၀င်ပါတယ်။ ဘက်ထရီ 3000 mAh ပဲ ပါ၀င်ပါတယ်။ လက်ဗွေရာစနစ်ကို ကျောဘက်မှာ ထည့်သွင်းထားပါတယ်။

ဖုန်းသုံးမျိုးလုံးမှာ DTS:X 3D Surround အသံထောက်ပံ့ထားပြီး Google Assistant အတွက် ခလုတ်ပါ၀င်ပါတယ်။ MIL-STD 810G ထောက်ခံချက် ရရှိထားပါတယ်။ စျေးနှုန်းနှင့် ဘယ်တော့ရောင်းချမယ်ဆိုတာ မကြေညာသေးပါဘူး။

လာမယ့် MWC 2019 မှာ ကြေညာလာဖို့ ရှိပါတယ်။

Credit : NetGuide Journal (Every Wednesday)