ချစ်ရသူတွေအားလုံးဘဲ ပျော်ရွှင်စရာတနင်္ဂနွေနေ့လေးပါ

ဒီနေ့ ဖြူစင်က ဘယ်လိုရာသီဥတုမျိုး နဲ့ မဆို လိုက်ဖက်
ပြီး chill လို့ကောင်းတဲ့ နေရာလေး တစ်ခုကို မျှဝေပေးမယ်နော်

အခုလို မိုးအေးအေးလေးနဲ့ဆိုလည်း တမျိုးလေးလိုက်ဖက်နေပြန်ရော၊ ကော်ဖီဆိုင်လေး ဆိုပေမယ့် ကော်ဖီ အပြင် တခြားသော Light food၊ Snacks and drinks လေးတွေ ရွေးချယ်စရာလေးတွေ ရှိပါတယ်။ ဈေးနှုန်းလေးတွေလည်း သင့်တင့်ပါတယ်

🦋ဖြူစင်တို့ စားခဲ့တာက Sweet Potato Toast ရယ်
Honey Lemon Tea ရယ် Mocha ရယ်ပါ
အားလုံးပေါင်းကို ၈၀ဝ၀/-ကျပါတယ်။

ထူးခြားပြီး စားလို့ကောင်းတာလေးက Sweet Potato Toast လေးပါ။ဖြူစင်တို့ ပုံမှန် စားနေကျ ကန်စွန်းဥ ကို အပြားလေးလှီးပြီး Toast လုပ်ထားတဲ့ အပေါ်မှာ Peanut Butter လေးသုတ်ထားတယ်။ ပြီးမှ အပေါ်က ငှက်ပျောသီးအဝိုင်းလေးတွေ အလှဆင်ထားတာပါ။ ရိုးရှင်းသော ပေါင်းစပ်မှုလေး က တမျိုး ထူးခြားမှုလေး ဖြစ်စေတာပါ။

အခုလို New Normal ကာလမျိုးမှာ အပန်းဖြေ လို့ ကောင်းတဲ့ နေရာလေးပါ၊ စားပွဲတစ်ခုနဲ့ တစ်ခုကြားမှာတော့ အကာလေးတွေ ချပေးထားတယ် အကွာအဝေးလည်း အတော်သင့်ခြားပြီးသားဆိုတော့ အဆင်ပြေတယ်၊ ဒီကာလမို့လို့ ဆိုင်မှာ အချိန်အရမ်းကြာမြင့်စွာ မထိုင်ဖို့တော့ စာကပ်ထားပါတယ်။ ပုံမှန်အားဖြင့်တော့

အေးဆေးစာထိုင်ဖတ်မလား

သူငယ်ချင်း နဲ့ ဘဲ date မလား

စုံတွဲလေးတွေ Ro မလား

အပင်ချစ်သူလေးတွေ အတွက်ကတော့ ပြော
စရာ မလိုအောင် ပြင်ဆင်ထားပုံလေးက စိမ်းစိုလှပလွန်းလို့ အရမ်းသဘောကျမိပါတယ်

ဓါတ်ပုံလှလှလေးတွေလည်း ရိုက်ပြီး အပင်လေးတွေ ချစ်ရင် တခါတည်း ဝယ်လို့ရလို့ အဲ့စိတ်ကူးလေးကို သဘော ကျမိပါတယ် ။ Indoor plant လေးတွေ တော်တော်များများ ရှိပါတယ် အိုးလှလှလေးတွေ နဲ့ပါ တခါတည်း တွဲဝယ် လို့ ရတယ်။ အပင်လေးတွေ လက်ဆောင်ပေးချင်တဲ့သူတွေ အတွက်ဆိုရင်လည်း သူတို့ packaging လေးက ချစ်စရာလေး

ဖြူစင်လည်း သူငယ်ချင်းတယောက်က ခေါ်လာပေးလို့ ဒီဆိုင်လေးကို ရောက်ဖြစ်ခဲ့တာပါ။ ဖြူစင် အကြိုက် ဆုံးက တော့ အပင်လေးတွေ မြိုင်မြိုင်ဆိုင်ဆိုင် နဲ့ အလှဆင် ထားတာလေးပါ။ပန်းခြံလေးထဲ ရောက်သွားသလိုလေး စိတ်ကြည်လင်ပြီး ခံစားမှု ကောင်းစေလို့ ဒီနေရာလေးကို Green Haven လေးလို့ တင်စားချင် ပါတယ်

ဆိုင်လေးက 2019 October လောက်က စဖွင့်တာပါ နာမည်လေးက – Leaf Cafe & Plants
လိပ်စာ – အမှတ်(၁၆) ရှင်စောပုလမ်း၊ စမ်းချောင်း

မြေနီကုန်း City Mart အနောက်ဘက်ကနေ ဝင်ရင် ကပ်
လျှက် လမ်းလေးထဲမှာပါ။ စမ်းချောင်းနား အနီးတဝိုက် ဆို လမ်းလျှောက်လာလည်း အဆင်ပြေတယ်။

FYI: ဖုန်းနဲ့ အပျော် ရိုက်တာကတော့ အချိန်မရွေး အဆင်ပြေပြီး Weekend သွားဖြစ်လို့ Camera နဲ့ ရိုက်
မယ့် သူများကတော့ ကြိုတင် ချိန်းဆိုပေးဖို့ request လုပ်ထားပါတယ်။

တစ်ခါလောက်တော့ အရောက်သွားသင့်တဲ့ နေရာလေးမို့ အဲ့နေရာလေးကို သွားဖြစ်ရင် ဖြူစင့်လိုမျိုး အားလုံးလည်း စိတ်ကြည်နူး ပျော်ရွှင်မှုလေးတွေ ခံစားရပါစေလို့ ဆန္ဒပြုရင်း Have a wonderful Sunday to you all ပါနော်

ချစ်ခြင်းများစွာဖြင့် မျှဝေရင်း
Dream with Gloria 🦋

By : Dream with Gloria