ဆောင်းရာသီမှာ နှုတ်ခမ်းတွေခြောက်သွေ့နေတာ လူတိုင်းကြုံရတဲ့ပြသနာတစ်ခုပါပဲ။ နှုတ်ခမ်းသားတွေခြောက်သွေ့ရင်း နှုတ်ခမ်းတွေ မည်းသွားတတ်တာတွေလည်းဖြစ်တတ်ပါတယ်။

ဒီလိုမဖြစ်အောင် နှုတ်ခမ်းနီအဆီကို ဆိုးပေးရတဲ့အခါ ရွေးချယ်တဲ့ တံဆိပ်ကလည်း မှန်ကန်ဖို့လိုပါတယ်။ နှုတ်ခမ်းစိုပြေအောင် ဆိုးပေးရတဲ့ အဆီတွေထဲမှာ ရွေးချယ်သင့်တဲ့အမှတ်တံဆိပ်တစ်ခုတော့ laneige ရဲ့ lip sleeping mask ပဲဖြစ်ပါတယ်။

သူဟာ နှုတ်ခမ်းနီနေ့တိုင်းဆိုးတတ်တဲ့သူတွေ၊ နှုတ်ခမ်းခြောက်တဲ့သူတွေ၊ နှုတ်ခမ်းသားကွဲတတ်သူတွေ၊ နှုတ်ခမ်းသားညိုတဲ့သူတွေအတွက်တော့ မဖြစ်မနေသုံးပေးရမယ့် lip mask လေးတခုပါပဲ။

>> သူ့မှာ Vitamin C ပြည့်ဝနေတဲ့ Berry သီးလေးများပေါင်းစပ်ပါဝင်တာကြောင့် အနံ့လေးကချိုအီသင်းပျံ့နေပြီး နှုတ်ခမ်းသားခြောက်သွေ့အက်ကွဲခြင်းနဲ့ ညိုမဲနေခြင်းတို့ကို ထိရောက်စွာပြုပြင်ပေးနိုင်ပါတယ်။

>> ​နောက်ပြီးတော့ နှုတ်ခမ်းပေါ်က ဆဲလ်အသေတွေကိုဖယ်ရှားပေးပြီး နှုတ်ခမ်းသားကို နူးညံ့စေဖို့ ပေါင်းတင်အားဖြည့်ပေးပါတယ်။

>> ညအိပ်ယာမဝင်ခင် skin care step တွေလုပ်တဲ့အခါ lip care လေးကိုလည်း မမေ့ပါနဲ့နော်။

>> ညဘက်မအိပ်ခင် lip sleeping mask ကို နှုတ်ခမ်းပေါ်မှာလိမ်းအိပ်ပေးရုံနဲ့ မနက်ရောက်တဲ့အခါ နှုတ်ခမ်းသားလေး နူးညံ့စိုပြေပြီး ပန်းရောင်လေးသမ်းနေစေမှာဖြစ်ပါတယ်နော်။

>> Laneige lip sleeping mask လေးတစ်ဗူးဆောင်ထားရင် matte type နှုတ်ခမ်းနီတွေဆိုးလည်း ပူစရာမလိုတော့ဘူးနော်… ညဘက်ကို ဒါလေးလိမ်းပြီးအိပ်လိုက်ရုံပါပဲလို့။

>> ဗူးသေးပေမယ့် အထင်မသေးနဲ့နော်… 3g ဗူးလေးကို ၁လကျော်လောက်သုံးလို့ရပါတယ်။

(ညဘက်ပဲသုံးရမှာဖြစ်ပြီး အမျိုးသားရော၊အမျိုးသမီးရော အသုံးပြုနိုင်ပါတယ်။)

အသုံးပြုပုံ။

ညအိပ်ခါနီး မျက်နှာသစ်ပြီး skin care အဆင့်ဆင့်လိမ်းပြီးသည့်အခါ lip sleeping mask အနည်းငယ်ကို နှုတ်ခမ်းသားထဲစိမ့်ဝင်အောင်သုတ်လိမ်းပေးပါ။

မနက်ရောက်မှ ရေဆေးချပေးရုံပါပဲ။

ဒီlip sleeping mask လေး က နှုတ်ခမ်းပေါ်ကဆဲလ်သေတွေကိုဖယ်ရှားပေးလို့ ညအိပ်ခါနီး လိမ်းရင် မနက်ဆို နှုတ်ခမ်းလေးက စိုစိုအိအိ လေးနဲ့ ပန်းရောင်လေးသန်းနေပါတယ်။ ဘူးသေး(၃ဂရမ်) ဘူးကြီး(၂၀ဂရမ်) ဆိုပြီး၂မျိုးရှိကာ ဘူးသေးက ၅ထောင်ကျပ်နဲ့အထက်၊ ဘူးကြီးက ၂သောင်းခွဲ၀န်းကျင်ရှိပါတယ်။ အတုအပလည်းရှိပြီး အတုတွေက အင်မတန်မှ စျေးတန်တာကြောင့် စျေးတန်တိုင်းမ၀ယ်ဖို့ သတိထားစေချင်ပါတယ်။ အတုအစစ် ခွဲခြားပုံကိုတော့ ပုံတွေဖော်ပြထားပေးပါတယ်။ ဘူးထဲက အစစ်တွေဟာ ဘူးထဲက ခရမ် လိမ္မော်ရောင်ဖက်ကို သန်းပြီး၊ အတုကတော့ ပန်းရောင်သန်းပါတယ်။ ဒီအချက်က အဓိကပါပဲ။

ကဲ…ဒီလိုဆိုရင်တော့ အားလုံးပဲ ပန်းရောင်၀င်းပပြီး စိုပြေလင်းလက်တဲ့ နှုတ်ခမ်းသားလေးကို ပိုင်ဆိုင်နိုင်ကြပါစေကြောင်း ဆုမွန်ကောင်းတောင်းပေးအပ်ပါတယ်။

By : Theingi Kyaw