ညောင်ဦးဖီးအကြောင်းရေးမယ်လို့စဉ်းစားလိုက်တော့မိုးတွင်းသွားလို့မရတော့လို့မိုးကုန်ခါနီးမှရေးမယ်လို့တွေးလိုက်တာပဲ။ဒါပေမယ့်လည်းbudgetသမားတွေပိုက်ဆံကြိုစုရအောင်လို့အခုကတည်းကရေးပေးလိုက်ပါတယ်။တကယ်တော့ညောင်ဦးဖီးကျွန်းဆိုတာကိုယ်လိုအရမ်းbudgetသွားတဲ့သူအတွက်တောင်နေရတာတန်လိုက်တာပိုက်ဆံကုန်ရတာတန်လိုက်တာဆိုပီးပြောမဆုံးပေါင်တောသုံးတောင်ဖြစ်ရတဲ့ကျွန်းပါပဲ။

ဘယ်မှာရှိတာလဲ

မြန်မာနိုင်ငံရဲ့တောင်ဘက်စွန်းမြိတ်ကျွန်းစုတွေထဲကကျွန်းပေါင်း(၈၀ဝ)ကျော်မှာတစ်ကျွန်းပါဝင်တာဖြစ်တယ်။ကော့သောင်းမြို့ကနေတစ်ဆင့်သွားရတာဖြစ်တယ်။ညောင်ဦးဖီးကျွန်းပေါ်မှာVictoria cliff Hotel(Nyaungoophee)ဆိုပီးResortဆောက်ထားတာပါ။

ဘယ်လိုသွားရတာလဲ

ကော့သောင်းကနေမှ ညောင်ဦးဖီးကျွန်းကို Daytrip Overnight tripဆိုပီးမိမိနှစ်သက်သလိုသွားလို့ရပါတယ်။ညောင်ဦးဖီးကျွန်းကိုသွားချင်ရင်ကျွန်းရဲ့sale&serviceကိုစီမံခန့်ခွဲနေတဲ့TZK Hotel & Toursမှာpackageဝယ်ရပါတယ်။ကိုယ်သွားခဲ့တာကတစ်ညအိပ်packageပါ။packageထဲမှာကော့သောင်းကနေကျွန်းကိုအသွားအပြန်၊ကျွန်းပေါ်မှာနေတဲ့အချိန်အစားအသောက်ဘူဖေး၊snorkellingလုပ်တာတွေရော၊လှေလှော်တာတွေအတွက်ရောအကုန်အပီးအစီးပါဝင်ပီးသားပါ။overnight tripဆိုရင်အခန်းအမျိုးအစားလိုက်ဈေးကွာပါတယ်။ကိုယ်တွေတည်းခဲ့တာကတော့river view tentမှာပါ၊အဲဒါကဈေးအသက်သာဆုံးpackageပါ။အခြားVilla တို့ ဘန်ဂလိုတို့ဆိုရင်ဈေးကပိုများသွားပါတယ်။
Riverview tent➡️တစ်ယောက်ကို $228ပါ
Tentတစ်ခုမှာခုတင်နှစ်လုံးပါ ပါတယ်။တကယ်လို့သုံးယောက်မို့လို့extra bedထိုးချင်ရင် extra bedအတွက်က $214ပါ။စနေ တနင်္ဂနွေဆိုရင် $10ဈေးကြီးပါတယ်။ကြားရက်ဆိုရင်ဒီဈေးပါပဲ။

Tent ဆိုပေမယ့် အိမ်သာ၊ရေချိုးခန်းအကုန်တွဲရက်ပါတယ်။အဲကွန်းတော့မရှိဘူး၊air coolerထားပေးထားတယ် ၊မှန်တင်ခုံတွေဘာတွေနဲ့ပြည့်ပြည့်စုံစုံပါပဲ။ကျေးငှက်အသံတွေနဲ့တောထဲမှာအိပ်နေရသလိုပဲ။ကိုယ်တော့tentမှာတည်းရတာပိုသဘောကျတယ် ပင်လယ်မြင်ကွင်းနဲ့ဘန်ဂလိုတို့ဘာတို့ကချောင်းသာတို့မောင်းမကန်တို့မှာတည်းလည်းရတာပဲလေ။အဲလိုtentနဲ့ပြည့်ပြည့်စုံစုံတောထဲအိပ်ရတာမျိုးကသိပ်မရှိဘူးလေ။လူကြီးတွေ မိသားစုတွေနဲ့သွားရင်တော့ ဘန်ဂလိုတို့ villaတို့ကပိုအဆင်ပြေပါတယ်။

ကျွန်းပေါ်မှာညဆိုရင်မီးအကတွေလည်းကြည့်လို့ရတယ်။အခြားအကတွေ ဖျော်ဖြေတာတွေလည်းအစုံပါပဲ။ညစာလေးစားရင်းအဆိုအကဖျော်ဖြေတာတွေ မီးအလှပြကတာတွေကြည့်လို့ရပါတယ်။

Snorkellingလုပ်ရင် မသွားခင်သူတို့ကမ်းခြေမှာtrainingပေးပါတယ်။ရေမကူးတတ်တဲ့သူတွေကိုလည်းငုပ်နည်းသေချာလေးကိုသင်ပေးတာ။ကိုယ်ဆိုရေမကူးတတ်ဘူး ဒါမယ့် ဘောကွင်းလေးကိုင်ပီးငုပ်တာ အရမ်းအဆင်ပြေတယ်။ရေအောက်ကအလှတွေဆိုတာလှချက် ကိုယ်ဆိုခေါင်းတောင်မဖော်ဘူး ငုပ်တာငုပ်တာဆိုတာလေ😂😂

Kayakingလုပ်ဖို့အတွက်လည်းလှေလေးတွေထားပေးထားတယ်။တကယ်လို့ကိုယ်က ဖန်ကြည်လှေလေးတွေနဲ့လှော်ချင်ရင်တော့ပိုက်ဆံထပ်ပေးရတယ်။အဲကြောင့်ကိုယ်တော့ရိုးရိုးဖိုင်ဘာလှေလေးတွေနဲ့ပဲလှော်ခဲ့တယ်။

Divingလုပ်ချင်ရင်တော့သီးသန့် training ထပ်လုပ်ရပီးပိုက်ဆံလည်းထပ်ပေးရတယ်။

ကျွန်းတစ်ကျွန်းလုံးမှာအကြိုက်ဆုံးကတော့ပင်လယ်ပြင်ကြီးကြည့်ပီးရေကူးကန်မှာရေစိမ်ရတာပဲ။မိုက်ချက်ဆိုတာလေ ကိုယ်တွေရေကန်ထဲကကိုမတက်ဘူး။ကျွန်းပေါ်ရောက်ကတည်းကပျော်တာဆိုတာ vitamin seaရဲ့အဓိပ္ပါယ်ကိုအဲရောက်မှပဲသဘောပေါက်သွားတော့တယ်။

ရန်ကုန်➡️ကော့သောင်း
-လေယာဉ်လက်မှတ်အသွားအပြန်နှစ်သိန်းကျော်လောက်ရှိပါတယ်
-ကားနဲ့ဆိုရင်တော့တိုက်ရိုက်expressတွေရှိတယ်
မိုးကောင်းကင်Expressစီးလို့ရပါတယ် 45500ပါ နာရီ20ကျော်လောက်စီးရပါတယ်
-ကော့သောင်းလမ်းကအကွေ့အကောက်အတော်များပါတယ်

ကော့သောင်းမှာတည်းခိုဖို့
-Victoria Cliff Hotel(Kawthaung)
-Mingalar panoramic sea view Hotel
-Pinguin Hotel
-Garden Hotel

-Budgetသမားတွေအတွက်ကတော့ Pinguinနဲ့Gardenမှာတည်းလို့ရပါတယ်
-ကော့သောင်းကVictoria cliff resortကတော့ရေကူးကန်နဲ့seaview နဲ့ဆိုတော့ တစ်သိန်းနှစ်သောင်းဝန်းကျင်လောက်ပေးရတယ် ဒါမယ့်ပေးရတဲ့ဈေးနဲ့ပြန်ရတဲ့ဝန်ဆောင်မှုကအရမ်းတန်ပါတယ်။အဲအတွက်bookingလုပ်ချင်ရင်Agodaကနေတိုက်ရိုက်လုပ်လို့ရပါတယ် အဲဒါကပိုသက်သာတယ်။သူတို့ဆီတိုက်ရိုက်bookingလုပ်တာအချို့အခန်းတွေမရှိတော့ပေမယ့် Agodaကလုပ်တော့အခန်းတွေရှိနေတတ်တာမျိုးလည်းရှိပါတယ်။

ကော့သောင်းကလည်စရာတွေ

-ဝိတိုရိယအငူ
-ဘုရင့်နောင်ကုန်း

-မလိဝမ်းရေတံခွန်
-အောင်သပြေရေပူစမ်း
-သူဌေးကျွန်းအပန်းဖြေဟိုတယ်
-ပြည်တော်အေးစေတီ
-ငါးသုံးလုံးတောင်
အဲဒါတွေလည်လို့ရပါတယ်

ကိုယ့်အစီအစဉ်နဲ့ကိုယ်မလာချင်ရင်TZK Tour မှာရန်ကုန်ကနေကော့သောင်းအလည်အပတ်အပီးအစီးpackageဝယ်လို့ရတယ်ပြောတယ် အသေးစိတ်ကို TZK Tour မှာစုံစမ်းလို့ရပါတယ်။ကိုယ်တွေကမြိတ်ကနေသွားတာတစ်ယောက်ကိုငါးသိန်းဝန်းကျင်လောက်ကုန်ပါတယ်။ညောင်ဦးဖီးမှာတစ်ည၊ကော့သောင်းvictoriacliffမှာတစ်ည၊သူဌေးကျွန်းဟိုတယ်မှာတစ်ညအိပ်ခဲ့တယ်။

My itinerary
Day1➡️ မြိတ်-ကော့သောင်း
Day2➡️ကော့သောင်း-ညောင်ဦးဖီးကျွန်း
Day3➡️ညောင်ဦးဖီးကျွန်း-သူဌေးကျွန်း(ကော့သောင်းမှာပြန်အိပ်လည်းရပါတယ် သူဌေးကျွန်းမရောက်ဖူးလို့သွားလည်ရင်းနေဖြစ်သွားတာ သိပ်အဆင်မပြေပါဘူး)
Day4➡️သူဌေးကျွန်း-ကော့သောင်း-မြိတ်

မရှင်းလင်းတာများ ထပ်မံသိလိုသည်များရှိပါကcbမှာလာရောက်မေးမြန်းနိုင်ပါတယ်။အသေးစိတ်သိလိုပါက TZK Tourကိုလည်းမေးမြန်းလို့ရပါတယ်။အရမ်းစိတ်ရှည်ပီးသဘောကောင်းပါတယ်။Kawthaung Victoria cliff ကော ညောင်ဦးဖီးvictoriacliff အတွက်ကောသူတို့ကိုအားမနာတမ်းမေးလို့ရပါတယ်။
TZK Tour (Kawthaung )➡️09262230660

Credit : https://www.facebook.com/zanflyingsolo