နှစ်စဉ်နှစ်တိုင်းပြုလုပ်ခဲ့တဲ့ Japanese Film Festival ဟာ ၂၀၂၀ မှာလည်း အစဉ်အလာမပြတ် မြန်မာနိုင်ငံကို ရောက်ရှိလာခဲ့ပြီဖြစ်ပါတယ်။ ရန်ကုန်၊ မန္တလေး၊ နေပြည်တော်မှာ မြိုင်မြိုင်ဆိုဆိုင်ကျင်းပမှာဖြစ်ပြီး စုစုပေါင်း ၁၀ ရက်တိတိပြုလုပ်ပေးသွားမှာဖြစ်ပါတယ်။

ရန်ကုန်မှာဆိုရင်တော့ နေပြည်တော်ရုပ်ရှင်ရုံမှာ ၁၀.၁ မှ စတင်ပြီး ၁၉.၁ အထိ ပြသသွားမှာဖြစ်ပါတယ်။ Junction City ရဲ့ JCGV ရုံမှာတော့ ၁၁.၁ နဲ့ ၁၂.၁ (၂) ရက်တိတိပြသပေးသွားမှာပါ။ မင်္ဂလာတာမွေရုပ်ရှင်ရုံမှာဆိုရင်တော့ ၁၈.၁ နဲ့ ၁၉.၁ တို့မှာပြသပေးသွားမှာဖြစ်ပါတယ်။

ပြသမယ့် အချိန်နဲ့ ဇာတ်ကားတွေကိုတော့ ဓာတ်ပုံထည့်ပေးထားမှာဖြစ်လို့ အသေးစိတ်ကြည့်ရှုနိုင်ပါတယ်။

ပြသမယ့် ရုပ်ရှင်ဇာတ်ကားတွေကတော့ စုစုပေါင်း ၁၁ကားရှိပါတယ်။

1. Banana? At This Time Of Night?
2. Dance With Me
3. Samurai Shifters
4. 12 Suicidal Teens 
5. Children of the Sea
6. My Dad is a Heel Wrestler
7. Little Love Song
8. The Fable
9. Bento Harrasment
10. Masquerade Hotel
11. Passage of Life

အစရှိတဲ့ ရုပ်ရှင်ကား ၁၁ ကားပါ၀င်ပြသမှာဖြစ်ပါတယ်။

အဆိုပါ ဇာတ်ကားဆယ့်တစ်ကားဟာ ဂျပန်နိုင်ငံမှာလည်း နာမည်ကြီးဇာတ်ကားတွေဖြစ်ပါတယ်။

ဇာတ်ကားတွေရဲ့ အကြောင်းအသေးစိတ်ကိုတော့ Japanese Film Festival Myanmar Page ( https://www.facebook.com/Japanese-Film-Festival-Myanmar-134543210560417/ ) မှာ သွားရောက်ကြည့်ရှုနိင်ပါတယ်။

လက်မှတ်တွေကိုတော့ ဇာတ်ကားမစခင် ၁နာရီအလိုမှာပေးတတ်ပါတယ်။ အနားနီးမှ ကပ်ပြီးသွားရင် လက်မှတ်မရတတ်ပါ။ ၁နာရီလောက်စောပြီးသွားမှသာ လိုချင်တဲ့နေရာနဲ့ လက်မှတ်ရနိုင်မှာဖြစ်ပါတယ်။

တစ်နှစ်မှ တစ်ခါသာပြတဲ့ Japanese Film Festivalပွဲကို လက်မလွှတ်စေချင်ပါဘူး။ မြန်မာစာတန်းလည်းထိုးပေးထားတာဖြစ်သလို ၀င်ကြေးလည်း အခမဲ့ဖြစ်လို့ သွားရောက်ကြည့်ရှုကြဖို့ တိုက်တွန်းလိုက်ပါတယ်နော်။

By : Theingi Kyaw