မိတ်ဆွေတို့ကွန်ပျူတာ ဝယ်မယ်ဆိုအဓိက ကတော့ မိမိအသုံးပြုမှုပေါ်မူတည်ပြီး ရွေးချယ်ဝယ်ယူ သင့်ပါတယ်။ ထို့အပြင် ကွန်ပျူတာ တစ်လုံးတွင် ပါဝင်တဲ့ အချက်အလက်တို့ကိုလည်း နားလည်သင့်ပါတယ်။ ထိုမှသာ စီစစ်ရွေးချယ်နိုင်ပါတယ်။

ကွန်ပျူတာ တစ်လုံးမှာအရေးကြီးဆုံးကတော့ CPU (ခေါ် ) Processor ဖြစ်ပါတယ်။ သာမန်အသုံးပြုသူများအတွက်တော့ အသင့်တော်ဆုံး CPU မှာ Core i3 ဖြစ်ပြီး Generation ကတော့ 6^th  နှင့်အထက်ဖြစ်သင့်ပါတယ်။ Networking, .Net Programmer,  Java Programmer, Android studio Developer, Song Engineer, Video Editor များနှင့် Gamer များအတွက်တော့ i5, i7 (သို့မဟုတ်) အခြားအဆင့်မြင့် CPU များကို အသုံးပြုသင့်ပါတယ်။

ဒုတိယမြောက်ရွေးချယ်ရမှာတော့ RAM ဖြစ်ပါတယ်။ ၂၀၁၉အထိ DDR-4 SD RAM ကိုအသုံးပြုလျှက်ရှိပြီး ၂၀၂၀ နောက်ပိုင်းနှစ်များတွင် DDR-5 SDRAM အဆင့်မြှင့်တင် အသုံးပြုမည်ဟု သိရှိရပါတယ်။ သာမန်အသုံးပြုသူများအတွက်တော့ RAM 2GB နှင့်အဆင်ပြေသော်လည်း Networking, Software Programmer, Web Developer, Android Developer, Graphic Designer, Song Engineer, Video Editor, Auto CAD User,  Design Engineer, များနှင့် Gamer များအတွက်တော့ RAM 4GB (သို့မဟုတ်) ၎င်းနှင့်အထက် ကိုရွေးချယ် အသုံးပြုသင့်ပါတယ်။

ထပ်မံရွေးချယ်သင့်သည်မှာ Hard Disk (HDD) ဖြစ်ပါတယ်။ ယခင်က Hard Disk (HDD) ကိုသာအသုံးပြုကြသော်လည်း ယခုအခါ Integrated Circuit နည်းပညာအသုံးပြုထားသည့် solid-state drive (SSD) ပေါ်ပေါက်လာသည့် အတွက် ထို drive ကိုအသုံးပြုလာကြပါတယ်။ solid-state drive (SSD) သည် Hard Disk (HDD) ထက်လျှင်မြန်ပေါ့ပါးသော်လည်း ဈေးနှုန်းမြင့်မားသည့်အတွက် Hard Disk (HDD) ကိုသာအသုံးများကြပါတယ် ။ Hard Disk (HDD) (သို့မဟုတ်) solid-state drive (SSD) ကို မိမိ Storage ပြုလုပ်မယ့် Data ပေါ်မူတည်ပြီး ရွေးချယ်ဝယ်ယူသင့်ပါတယ်။

ကွန်ပျူတာဝယ်ယူရာတွင် မိမိနှစ်သက်သည့် အရောင်, ပုံစံ, အရွယ်အစား, Laptop, Desktop စသည် တို့သာမကဘဲ အထက်ပါအချက်များနှင့် ကိုက်ညီ၍ ရွေးချယ်ဝယ်ယူသင့်ပါတယ်။ ထို့အပြင် Graphic Designer, Song Engineer, Video Editor, Auto CAD User,  Design Engineer, များနှင့် Gamer များအတွက် ၎င်းတို့၏ ကွန်ပျူတာတွင် မိမိလုပ်ငန်းပေါ်မူတည်၍ Graphic Card (သို့မဟုတ်) Video Card ကိုကိုက်ညီစွာ အသုံးပြုသင့်ပါတယ်။ ကွန်ပျူတာ၏ဈေးနှုန်းများသည် ကွန်ပျူတာထဲရှိ System အနိမ့်အမြင့် အမျိုးအစားပေါ်မူတည်၍ ကွာခြားမှုရှိပါတယ်။

ထို့ကြောင့် ကွန်ပျူတာဝယ်ရာတွင် သတိပြုရွေးချယ်ရမည့်အချက်များကို Yangon Style ပရိသတ်များအတွက် အရွေးမမှားစေရန် ဖော်ပြပေးလိုက်ရပါတယ်။

By: Zaw Gyi