မာလာသီးသန့် မဟုတ်ဘဲ တခြား ဟော့ပေါ့တွေနဲ့တွဲရောင်းရင် မာလာကောင်းပါ့မလား။ ကျွန်တော်က မာလာပဲ စားချင်လို့လေ။ ဘာကြောင့်လဲ ဆိုတော့ မာလာသီးသန့် လာစားတာမို့ မာလာကောင်းတာ စားချင်တာပေါ့။ တွဲရောင်းတဲ့ဆိုင်တွေလည်း ကောင်းပါလိမ့်မယ်။ ကျွန်တော်ပြောပြပေးမှာက မာလာရှမ်းကောသီးသန့်ရောင်းတဲ့ ဆိုင်လေးနဲ့ မိတ်ဆက်ပေးမှာပါ။ မာလာ crazy တွေကတော့ သိမယ်ထင်ပါတယ်။ မာလာကို အစုံစားရမယ့်ဆိုင်လေး။ ဘယ်ဆိုင်လေး ဖြစ်မလဲ။ ဘယ်လိုတွေ စားရမလဲ လေ့လာကြည့်ရအောင်။

မာလာရှမ်းကောကိုမှ set ကို တစ်ယောက်စာ၊ နှစ်‌ယောက်စာ၊ family ဆိုပြီးတော့ ရှိတယ်။
တစ်ယောက်စာ – 6500 Ks
နှစ်ယောက်စာ – 10500 Ks
Family – 18000 Ks

ကြက်၊ ၀က် ရပြီး ပင်လယ်စာက ထပ်ပေါင်းယူစားရတယ်။မာလာရိုးရိုး ရှိတယ်။ မာလာအရည်နဲ့လည်းရှိတယ်။ အရည်က မီးဖိုလေးပါတယ်။ ပူပူလေးသောက်ရတဲ့ ခံစားချက်က ဘာနဲ့မှ မလဲနိုင်ဘူး။ အာဇာနည် သီချင်းထဲကလို မင်းလောက်ကိုယ့်အပေါ် ဘယ်သူမှ မကောင်းဘူး ဆိုတာမျိုးပေါ့။
အစပ်ကိုလည်း Malar level ကိုမှ Standard/ Medium/ Spicy ဆိုပြီး စားနိုင်တဲ့အပေါ်မူတည်ပြီး ထည့်လို့ရတယ်။

ကိုယ်စိတ်တိုင်ကျ ပြင်ဆင်မယ်ဆိုလည်း အရွက်ပိုစားချင် အရွက်ပိုယူမယ်။ အသားဆိုအသား။ အပ်မှိုဆို အပ်မှို။ 100 Gramလေးတွေ ချိန်ပြိး အဲလိုယူလည်းရတယ်။ ဒါကတော့ ကိုယ်ကြိုက်တာ ပိုပေါင်းစားတာပေါ့။

Vegetables 500
Noodles & Soaked Ingredients 1200
Mushroom 1500
Meat & Meat balls 2300
Seafood 2800
Malar sauce per serve 2000

တခြားအစားတွေ အများကြီး မရပေမဲ့ ရတဲ့အထဲက စားခဲ့တာ တစ်ချို့က ကြက်ခြေထောက်မာလာနဲ့ အာလူးချောင်းကြော် တခြားရတာလေးတွေလည်း ရှိတယ်။

Fired chicken wings 2500
Strewed chicken feet 2500
French fries 2500
Fired chicken 1pc 1500
Fried enokitake mushroom 1000
Fried Sticked Vegetables 1000

ဆိုင်လေးက နေရာထိုင်းခင်းက နေရာချထားတာ မိုက်သလို အရွက်တွေ အသားတွေလည်း လတ်ဆတ်တယ်။ service charge မယူပေမဲ့ ၀န်ဆောင်မှု တော်တော်ပေးထားတယ်။ လိုလေသေးမရှိပါပဲ။ ရေနွေးခွက်လေးတွေ ထန်းညက်တွေလည်း ထားထားပေးသေးတယ်။

သောက်စရာအနေနဲ့ဆိုရင် ကော်ဖီထက် အသီးလေးတွေ ပိုသောက်စေချင်တယ်။ တော်တော်စုံစုံရပြီး ဆိုဒါနဲ့ အသီးဖျော်ရည်တွေကို စက်ဖျော်၊ လက်ဖျော် လုပ်ပေးသေးတယ်။
သောက်ခဲ့တာဆိုရင် ပင်မှည့် အသီးဖျော်ရည်၊ ကီဝီဆိုဒါ မာလာအစပ်စားပြီးရင် လိုက်ချက်ပဲ။

မာလာရှမ်းကော အရသာကောင်းကောင်းစားမယ်။ ဆိုင်လေးက ဖော်ရွေသလို ကိုယ်ကြိုက်တဲ့ အရသာကိုလည်း ပြင်ဆင်ပေးတယ်။ မာလာစားချင်ရင် ဒီဆိုင်လေးကိုပဲ ညွှန်းဆိုမိမှာပါ။ ခုလောလောဆယ်တော့ ဘာအစီအစဉ်မှတော့ မရှိသေးဘူး။ ချစ်သူများနေ့ဆိုရင်တော့ အစီအစဉ်လုပ်ဖို့ရှိတယ်တဲ့။ ကဲ ဒိုးလိုက်ကြရအောင်။

ဆိုင်လိပ်စာလေးကတော့

📍” Hello Xiang Gas”
Hello ရှမ်းကော

🏠Address : No.33, Lan Thit Street, Lanmadaw Township, Yangon.

📲Tel (+95) 9 – 965077115

🕚Opening Hours : 11:00Am 9:00Pm

By : Nay