ဒီတစ်ခေါက်မှာတော့ နာမည်ကြီး Blogger ဖြစ်တဲ့ The Rosie Edit ရဲ့ ရီဗျူးတွေအပြီးမှာ တော်တော်များများစမ်းသုံးကြည့်ချင်ကြတဲ့ GG – EAU DE PARFUM

ရေမွှေးလေးနဲ့ မိတ်ဆက်ပေးချင်ပါတယ်။ မရိုစီရဲ့ ရီဗျိုးကို ကိုးကားပြီ: ဒီ Perfume set လေးနဲ့မိတ်ဆက်ပေးချင်ပါတယ်။ သူ့မှာ White Princess, Pinky Queen, Golden King လို့ခေါ်တဲ့ အနံ့တွေပါ၀င်ပါတယ်။

White Princess

Top Note – Orange, Pear

Middle Note – Jasmine, Rose, Muguet, Freesia

Base Note – Musk, Amber, Patchouli

သူ့အနံ့က ပန်းနံ့ခပ်သင်းသင်းလေး။  ပန်းနံ့ပေမယ့် ခေါင်းမူးလောက်အောင်အီနေတာမျိုးလုံးဝမဟုတ်ဘူး။

စစချင်းစွတ်လိုက်ရင် pear (သစ်တော်သီးအနံ့) လိုမျိုးကပိုပြီးတော့ရတယ်။ စွတ်ပြီးနာရီဝက်လောက်နေရင် middle noteဖြစ်တဲ့ စံပယ်နဲ့ freesia ပန်းအနံ့ကိုပိုပြီးတော့ရတယ်။ အနံ့လေးရရင် စိတ်အေးတယ်။ ။ Base note ကစွတ်ပြီး တစ်နာရီခွဲအကြာလောက်မှာတက်လာတဲ့ musk နဲ့ patchouli အနံ့က လွင်လွင်လေးမွှေးပြီးတော့ ငြိမ်ငြိမ်လေးဖြစ်တယ်ပေါ့။ မိန်းကလေးဆန်တဲ့အနံ့မျိုး။ အနံ့ယဥ်ယဥ်သင်းသင်းလေးတွေကြိုက်တတ်ရင်ဒီတစ်ခုကိုကြိုက်မယ်လို့ထင်တယ်။ ဒ

Pinky Queen

Top Note – Lemon, Pineapple

Middle Note – Iris, Muguet, Orchid

Base Note – Sandalwood, Velvet Musk, Vanilla

သူကလည်း ယဥ်ယဥ်လေးနဲ့မွှေးတယ်။ ဒါပေမယ့် အနံ့က White Princess နဲ့ယှဥ်ရင်နည်းနည်းချိုတယ်။ ဒါပေမယ့် အီနေတာမျိုးမဟုတ်ဘူး။ စစချင်းဖြန်းလိုက်ရင် နာနတ်သီးနဲ့သံပယိုနံ့လိုမျိုးရတယ်။ ဒါပေမယ့် နာရီဝက်လောက်ကြာရင် တက်လာတဲ့ အနံ့ကတော်တော်မွှေးတယ်။ ပန်းနံ့မွှေးမွှေးလေး။ Base note အထိရောက်သွားချိန်မှာတော့ Sandalwood (နံ့သာ), Musk အနံ့ကိုရောပြီးတော့ အနံ့လေးနည်းနည်းစွက်ထားတာလေးက ကျန်ခဲ့တာ။ ပန်းနံ့နဲ့ ချိုမွှေးမွှေးအနံ့လေးမျိုးကိုကြိုက်ရင်ဒါမျိုးကိုစွတ်သင့်တယ်။  မိန်းကလေးဆန်ပြီး ချိုမွှေးမွှေးအနံ့လေးမျိုးကိုကြိုက်ရင်ဒီတစ်ခုကိုစမ်းကြည့်ဖို့ recommend လုပ်တယ်။

Golden King

Top Note – Bergamot, Orange, Lemon

Middle Note – Jasmine, Violet, Rose, Marine

Base Note – Musk, Cedarwood, Patchouli, Vanilla

သူကတော့ Powerful ဖြစ်တဲ့အနံ့။ ယောကျာ်းလေးတွေအတွက် ပိုသင့်တော်တဲ အပေါ်ကအနံ့တွေလိုမျိုး ပန်းနံ့တွေသိပ်မရှိဘူး။ Strong and powerful ဖြစ်တဲ့အနံ့ကိုကြိုက်တဲ့သူတွေကြိုက်မယ်။ သူက strong and confident ဖြစ်စေတဲ့ feeling ကိုရတယ်လို့ထင်တယ်။

 ပြီးတော့ ဒီရေမွှေးတွေကအနံ့စွဲတဲ့အတွက် စွတ်ရင်တစ်နေရာကိုဘဲစွတ်သင့်တယ်။ တချို့တွေက လက်ကောက်ဝတ်ရော အင်္ကျီရောမှာစွတ်လိုက်တတ်လို့လေ။ ဒီရေမွှေးကို အဲ့ဒီလိုနေရာအများကြီးစွတ်လိုက်ရင် ရေမွှေးကိုတိုင်ကီလိုက်လောင်းချလိုက်သလိုဖြစ်ပြီး မွှေးကြိုင်နေတာထက်ကို ကိုယ့်နားဘယ်သူမှမကပ်ချင်တာမျိုး အနံ့ရပြီးမူးသွားတာမျိုးဖြစ်သွားမယ်။ တစ်နေရာကို အလွန်ဆုံး pump ကိုတစ်ခါ (အလွန်ဆုံးနှစ်ခါ) ညှစ်စာလောက်ဘဲစွတ်။

နောက်တစ်ခုက ရေမွှေးကိုပုလင်းထဲကထုတ်ရင်ပုလင်းအပြည့်မပါလာတာကိုတွေ့ရမယ်။ စိုးရိမ်စရာမရှိပါဘူး။ ရေမွှေးထုတ်တဲ့စက်ရုံက ရေမွှေးတွေကိုထည့်တဲ့အခါ စက်နဲ့ချိန်ပြီးထည့်တာဖြစ်တဲ့အတွက် ပါတဲ့ပမာဏကဘူးပေါ်မှာရေးထားတဲ့အတိုင်းဘဲပါမှာ။ ဘူးနဲ့အပြည့်ဘာလို့မထည့်ထားတာလည်းဆိုတော့ မတော်တဆယိုဖိတ်တာမျိုးဖြစ်သွားမှာစိုးတဲ့အတွက်ကြောင့်မို့ ပုလင်းကိုနည်းနည်းလေးပိုကြီးထားတာလို့ထင်တယ်။

ဈေးတွေအနေနဲ့ကလည်း reasonable ဖြစ်တယ်။

10 ml – 11,000 MMK

35 ml – 24,000 MMK

50 ml – 33,000 MMK (White Princess ဘဲရသေးတယ်။ သူကတော်တော်လေးကို popular ဖြစ်လို့ဆိုင်ကဘူးကြီးပါထုတ်လိုက်တာ)

ဆိုတော့ ကိုယ်ကဘူးအကြီးဝယ်မစွတ်ချင်ရင်တောင် 10 ml size လောက်ဝယ်ထားလည်းရတယ်။ 10 ml size ဆိုရင် တစ်နေ့တစ်ချက်စွတ်ရင်တောင် ၃-၄ လနီးပါးလောက်ခံမယ်လို့ထင်တယ်။ ပြီးတော့ ရေမွှေးအားလုံးကို Korea မှာထုတ်ပါတယ်။

ပစ္စည်းရဲ့ကွာလတီကို ကြည့်ပြီးမှ ရီဗျူးရေးပေးတတ်တဲ့ မရိုစီတစ်ယောက် က ပြောပြပေးထားဖြစ်လို့ ဒီရေမွှေးလေးကို စွတ်ကြည့်ရင် နောင်တမရနိုင်ပါတယ်။ စမ်းကြည့်ချင်တယ်ဆိုရင်တော့

Girl Generation korea comestic online store

မှာ သွားပြီးတော့စမ်းကြည့်လို့ရပါတယ်။ သွားပြီးစမ်းကြည့်ဖို့လည်းတိုက်တွန်းပါတယ်။

၀ယ်လည်း၀ယ်ယူနိုင်ပါတယ်။

By : Theingi Kyaw