By ယမင်း

 COVID-19 Call Centre  2019 သို့ ပြန်လည်ခေါ်ဆိုမေးမြန်းနိုင်ပြီဖြစ်ကြောင်း ယင်းစင်တာက အသိပေးကြေ ညာထားသည်။

နိုဝင်ဘာ ၂၁ ရက် နံနက်ပိုင်း ကစတင်၍ အဆိုပါစင်တာ၏ အင်တာနက်ဆာဗာ လိုင်းကျနေ သဖြင့် ပြန်လည်ပြင်ဆင်ရမည် ဖြစ်သောကြောင့် ဖုန်းခေါ်ဆိုမှု များ ယာယီရပ်နားထားရာမှ ယမန်နေ့ (နိုဝင်ဘာ ၂၂ ရက်) တွင်  နံနက် ၉ နာရီမှ ညနေ ၅ နာရီအတွင်း ပုံမှန်ပြန်လည်ခေါ်ဆိုမေးမြန်းနိုင်ပြီဖြစ်ကြောင်း အသိပေးခြင်းဖြစ်သည်။

COVID-19 ရောဂါကာ ကွယ်ထိန်းချုပ်ကုသရေးတွင် အ ရှိန်အဟုန်မြှင့် ဆောင်ရွက်ရန် ဆေးသုတေသနဦးစီးဌာန၊ ဆက် သွယ်ရေးညွှန်ကြားမှုဦးစီးဌာန၊ ဆက်သွယ်ရေးအော်ပရေတာ လေးခု၊ Blue Ocean ကုမ္ပဏီ၊ UNICEF-Myanmar တို့၏ ပူး ပေါင်းကူညီမှုဖြင့် အဆိုပါ Nati-onal COVID-19 Call Centre ဖုန်းနံပါတ် ‘2019’ ကို ဧပြီ ၉ ရက်က စတင်ဖွင့်လှစ်ခဲ့သည်။

အဆိုပါစင်တာမှတစ်ဆင့် COVID-19 ရောဂါဆိုင်ရာကျန်းမာရေးအသိပညာပေးသတင်းအချက်အလက်များကို လိုင်းခွဲနံ ပါတ် (၁) မှ (၅)အထိ စက်ဖြင့် အလိုအလျောက် ဖြေကြားပေး နေသည်။ ထို့ပြင် ပြည်သူများမှ လိုင်းခွဲ နံပါတ် (ဝ) မှတစ်ဆင့်တိုက်ရိုက်မေးမြန်းလာမှုများကိုလည်း  ဆေးသုတေသနဦးစီးဌာန မှ ဆရာဝန်ဦးရေ ၄၀ ခန့်နှင့် မြန်မာနိုင်ငံဆရာဝန်အသင်းတို့မှ ဆရာဝန်များက ဖြေကြားပေးနေ သည်။ COVID-19 နှင့်ပတ်သက် ၍ ရောဂါလက္ခဏာများနှင့် ဗဟု သုတများကို အလိုအလျောက်ဖြေ ကြားပေးသော ၂၄ နာရီဝန် ဆောင်မှုတွင် ဗမာဘာသာအပြင် ရခိုင်ဘာသာဖြင့်လည်း ခေါ်ဆို မေးမြန်းနိုင်ရန် ဆောင်ရွက်ထား ကြောင်း သိရသည်။

ဆရာဝန်နှင့်ဖြေကြားပေးမှု မှာမူ လိုင်းခွဲနံပါတ် (ဝ) မှ နံနက် ၉ နာရီမှ ညနေ ၅ နာရီအထိ ဖြေကြားပေးနေပြီး အောက်တို ဘာလတွင် လိုင်းခွဲနံပါတ် (၆)အား ထပ်မံတိုးမြှင့်ထည့်သွင်းထား ကာ ၎င်းမှာ ကွာရန်တင်းစင်တာ တွင်ရှိနေသူများအတွက် ပြန် လည်ဖြေကြားပေးသည့် ဝန် ဆောင်မှုဖြစ်သည်။

ထိုသို့ ဆောင်ရွက်ပေးရာ တွင် လက်ရှိအချိန်အထိ စက်ဖြင့် အလိုအလျောက်ဖြေကြားပေးမှု တွင် ပြည်သူများက မေးမြန်းမှုမှာ တစ်နေ့လျှင် သိန်းဂဏန်းခန့်ရှိပြီး ဆရာဝန်များနှင့် တိုက်ရိုက်မေး မြန်းမှုတွင်မူ ခေါ်ဆိုမှုအများဆုံး ရက်တွင် ၄၀၀ မှ ၅၀၀ ကြားရှိကာ အနည်းဆုံးရက်တွင် ၂၀၀ ခန့် ရှိသည်။

ယင်းခေါ်ဆိုမှုစုစုပေါင်း၏ ထက်ဝက်ခန့် (၄၃ ရာခိုင်နှုန်း) မှာ ကျေးလက်ဒေသများမှဖြစ်ကာ ရခိုင်ပြည်နယ်သည် မေးမြန်းမှု တတိယအများဆုံးဖြစ်ကြောင်း  ဆေးသုတေသနဦးစီးဌာန ကူး စက်ရောဂါဗေဒသုတေသနဌာန ခွဲ ဌာနခွဲမှူး ဒုတိယညွှန်ကြား ရေးမှူး ဒေါက်တာမျိုးမျိုးမွန်က ပြောသည်။

‘‘အစပိုင်းတုန်းကတော့ ရောဂါလက္ခဏာအကြောင်းတွေ ကာကွယ်ကုသနည်းတွေ မေးတာ ပေါ့။ အခု ဒုတိယလှိုင်းစပြီးတော့ တစ်လလောက်ကြာတော့ အများ စုက သူတို့ကိုယ်တိုင်နဲ့ သူတို့မိ သားစုတွေမှာ အနံ့ပျောက်တာ ခံစားလာရတယ်။ သူတို့တော့ ဒီလိုဖြစ်နေပြီ၊ ဘယ်နေရာကိုသွား သင့်လဲ၊ ဘယ်သူ့ကို ဆက်သွယ် ဆောင်ရွက်ရမယ်ဆိုတာတွေ မေးပါတယ်။ အဲဒီတော့ ကျွန်မတို့ မှာ ဘာတွေကို Update လုပ်ရလဲ ဆိုတော့ ဥပမာ ပထမလှိုင်းက တည်းက Fever Clinic တွေဖွင့် တယ်ပေါ့။ သတင်းတွေအကုန်လုံး စုစည်းရတယ်။ ပထမပိုင်းမှာ အဲဒီဆေးခန်းတွေကို ကျွန်မတို့ လွှတ်ရတယ်။ နောက်ပိုင်းကျ တော့ အနံ့ပျောက်စင်တာတွေကို လွှတ်ရတယ်’’ ဟု ၎င်းက ရှင်းပြ သည်။

Credit : https://7day.news/