ခက်ခဲရှုပ်ထွေးသည့် ဥပဒေ၊ နည်းဥပဒေ၊ အမိန့်၊ ညွှန်ကြားချက်၊ စည်းမျဉ်း၊ စည်းကမ်းတို့ကို အများပြည်သူ လွယ်ကူရှင်းလင်းစွာနားလည်သည့် ဖော်ပြချက်များအဖြစ် ပြုပြင်မည်ဟုဆို

By စိုင်းကိုကိုထွန်း

အဂတိကို လက်ယပ်ခေါ်နေသည့် ရေခံ၊မြေခံမှန်သမျှ ဖယ်ထုတ်နိုင်ရန် ကြိုးပမ်းမည်ဟု  နိုင်ငံတော်သမ္မတ ဦးဝင်းမြင့်က  ပြောကြားသည်။

လိုလျှင်လိုသလို ဆွဲယူအသုံးချနိုင်ပြီး နားလည်ရခက်ခဲသော ရှုပ်ထွေးသည့် ဥပဒေ၊ နည်းဥပဒေ၊ အမိန့်၊ ညွှန်ကြားချက်၊ စည်းမျဉ်း၊ စည်းကမ်းတို့ကို အများပြည်သူ လွယ်ကူရှင်းလင်းစွာ နားလည်သည့် ဖော်ပြချက်များအဖြစ် ပြုပြင်မည်ဟုလည်းသမ္မတက ဆိုသည်။

ဒီဇင်ဘာ ၉ ရက်က ကျ ရောက်သည့် အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေး နေ့ အထိမ်းအမှတ် အခမ်းအနား မိန့်ခွန်း၌ သမ္မတဦးဝင်းမြင့်က အ ထက်ပါအတိုင်း ထည့်သွင်းပြော ကြားခဲ့သည်။

‘‘ရှိနေဆဲဖြစ်တဲ့ အဂတိ လိုက်စားမှုတွေ လျော့ပါးသွား အောင် အဂတိလိုက်စားမှုဖြစ်စဉ် တွေကို စုံစမ်းစစ်ဆေး တိုက်ဖျက် ရမှာဖြစ်သလို နောင်အနာဂတ် မှာပပျောက်သွားအောင်ပါ လို အပ်တဲ့ ပြင်ဆင်၊ စီမံ၊ ဆောင်ရွက် မှုတွေကိုလည်း ကြိုးပမ်းဆောင် ရွက်ကြရမှာဖြစ်ပါတယ်’’ ဟု ၎င်း က ဆိုသည်။

အဆိုပါ လုပ်ငန်းစဉ်များကို  အမျိုးသားအဆင့် အဂတိလိုက် စားမှုတိုက်ဖျက်ရေးမဟာဗျူဟာ ၌ ထည့်သွင်းသွားမည်ဟု ဦးဝင်း မြင့်က ကတိပြုပြောသည်။

အဂတိလိုက်စားမှုကို နိုင်ငံ ရေးဆန္ဒပြင်းပြစွာ တိုက်ဖျက်ခြင်း ဖြင့် အဂတိလိုက်စားမှုကို ဆန့် ကျင်သော ယဉ်ကျေးမှုအလေ့အ ထများကို ပြည်သူများ လက်ခံ ကျင့်သုံးလာသည်နှင့်အမျှ အုပ် ချုပ်ရေးနှင့် ပြည်သူ့ဘဏ္ဍာငွေ များ စနစ်တကျစီမံခန့်ခွဲနိုင်မည်ဟု သမ္မတက ဆိုသည်။

ထို့အတူ မျှတခြင်း၊ တာဝန် ယူခြင်း၊ ဥပဒေရှေ့မှောက် တန်း တူရည်တူရှိခြင်းနှင့် ဖြောင့်မတ် တည်ကြည်ခြင်းတို့ကို စောင့်ထိန်း လာနိုင်သည့်  အကျိုးကျေးဇူးများ ရရှိလာမည်ဟု ၎င်းက ဆက် လက်ပြောသည်။

ထိုသို့  အဂတိလိုက်စားမှု တိုက်ဖျက်ရေး၌ အားလုံးပါဝင်ပြီး  စနစ်တကျရေရှည် ထိရောက်စွာ ဆောင်ရွက်နိုင်ရန် အမျိုးသားအ ဆင့်အဂတိလိုက်စားမှုတိုက်ဖျက် ရေး မဟာဗျူဟာရေးဆွဲချမှတ် နိုင်ရေး ဆောင်ရွက်လျက်ရှိ ကြောင်း သမ္မတက အသိပေး သည်။

ယင်း မဟာဗျူဟာရေးဆွဲ ရေးအတွက် အဂတိကော်မရှင်က  အုပ်ချုပ်ရေး၊ ဥပဒေပြုရေး၊တရား စီရင်ရေးမဏ္ဍိုင်တို့ရှိ တာဝန်ရှိ သူများ၊ ပြည်တွင်း၊ ပြည်ပစီးပွား ရေးလုပ်ငန်းရှင်များ၊ အရပ်ဘက် အဖွဲ့အစည်းများ၊ မီဒီယာများနှင့် နိုင်ငံတကာအဖွဲ့အစည်းများနှင့်  ပူးပေါင်းကာ ဦးဆောင်ကော်မတီ၊  အထောက်အကူပြုလုပ်ငန်းကော် မတီများ ဖွဲ့စည်းထားပြီးဖြစ် ကြောင်း ဦးဝင်းမြင့်က ဆိုသည်။

လက်ရှိ နိုင်ငံဖွံ့ဖြိုးတိုးတက် ရေးနှင့်  တည်ငြိမ်ရေးကိုထိခိုက်စေ နိုင်သော အဂတိလိုက်စားမှုများ လျော့နည်းပပျောက်စေရန် စုံစမ်း စစ်ဆေး၊ အရေးယူဆောင်ရွက် မှုများကို ဘက်လိုက်မှုမရှိဘဲ ဥပ ဒေနှင့်အညီ လုပ်ဆောင်လျက်ရှိ ကြောင်း သမ္မတက ပြောသည်။

ထို့အပြင် အသိပညာပေး ခြင်း၊ ကာကွယ်တားဆီးခြင်း အစီ အစဉ်အနေဖြင့် ဝန်ကြီးဌာနအဖွဲ့ အစည်းများတွင် အဂတိလိုက် စားမှုတားဆီးကာကွယ်ရေး အဖွဲ့ များကိုလည်း  ဖွဲ့စည်းဆောင်ရွက် လျက်ရှိကြောင်း သမ္မတက အစီ ရင်ခံသည်။

ဆက်လက်၍ COVID-19 ကပ်ရောဂါကြောင့် နိုင်ငံတွင်း ကြုံတွေ့နေရသည့် စီးပွားရေး၊ လူမှုရေးအခက်အခဲများ ရင်ဆိုင် ရာတွင် ဖြောင့်မတ်တည်ကြည်မှု၊ အဂတိကင်းစင်မှုဖြင့် ဖြေရှင်း ဆောင်ရွက်ရန် သမ္မတက တိုက် တွန်းသည်။

ထို့အတူ အုပ်ချုပ်ရေး၊  ဥပဒေပြုရေး၊ တရားစီရင်ရေး  မဏ္ဍိုင်အသီးသီးရှိ တာဝန်ရှိသူ များအပါအဝင် ပြည်သူတစ်ရပ်  လုံးကလည်း အဂတိလိုက်စားမှု တိုက်ဖျက်ရေး လုပ်ငန်းများကို တက်ညီလက်ညီ ဆက်လက်တိုး မြှင့်ပူးပေါင်းဆောင်ရွက်ရန် ဦး ဝင်းမြင့်က မိန့်ခွန်းပြောရာ၌ ထပ် ဆင့်တိုက်တွန်းခဲ့သည်။

၂၀၁၅ ရွေးကောက်ပွဲပြီး အာဏာရလာသည့် အမျိုးသား ဒီမိုကရေစီအဖွဲ့ချုပ် အစိုးရသည်  အဂတိလိုက်စားမှုကို ထိရောက် စွာတိုက်ဖျက်ရန်  တင်ဒါဆိုင်ရာ ညွှန်ကြားချက် (၁/၂၀၁၇)ကို ထုတ်ပြန်ခြင်း၊ ၂၀၁၈ ဇွန်လ ၂၁ ရက်တွင် အဂတိလိုက်စားမှုတိုက် ဖျက်ရေးဥပဒေကို စတုတ္ထအကြိမ် အထိပြင်ဆင် ပြဋ္ဌာန်းမှုများလုပ် ဆောင်ခဲ့သည်။

ထို့အပြင်  ဘဏ္ဍာရေးစည်း မျဉ်း(၃၅/၂၀၁၇)နှင့် ၂၀၁၈ နှစ် ဆန်းပိုင်းတွင် ပြည်သူ့ဘဏ္ဍာငွေ ဖြင့် လုပ်ဆောင်သည့် လုပ်ငန်း များအတွက် စာရင်းဇယားစစ် ဆေးမှုပြုရာတွင် ပြည်ထောင်စု စာရင်းစစ်ချုပ်နှင့် တိုင်းနှင့် ပြည် နယ်စာရင်းစစ်ချုပ်များ ပိုမိုလုပ် ပိုင်ခွင့်ရှိလာသော ပြည်ထောင်စု စာရင်းစစ်ချုပ်ဥပဒေကိုပါ ပြင် ဆင်ပြဋ္ဌာန်းခဲ့သည်။

ထိုသို့ ဥပဒေများ၊ စည်း မျဉ်းအသစ်များ ပြင်ဆင်ပြဋ္ဌာန်း နိုင်သဖြင့် အဂတိလိုက်စားမှုတိုင်ကြားချက်များကို အဂတိကော်မ ရှင်က ပိုမိုထိရောက်စွာ  စစ်ဆေး အရေးယူလာနိုင်ခဲ့ကြောင်း စောင့် ကြည့်သူများက ဆိုသည်။

Credit : https://7day.news/