အမြဲထိုင်နေကျ ဆိုင်တွေမှာ ထိုင်နေတာတွေရပ်ပြီး မတူတဲ့ နေရာလေးမှာ ပြောင်းထိုင်ရအောင်။ ဆိုင်လေးက အပြင်ကတည်းက လူကိုဆွဲဆောင်နေတာ။ ဆိုင်ထဲကို ၀င်လိုက်ရင်ပဲ Counter လှလှလေးနဲ့ Cafe bar လိုလိုလေး ဖန်တီးထားတာ။ ဒါ သူရဲ့ Signature ဖန်တီးမှုမျိုးပေါ့။

ဆိုင်လိပ်စာကတော့
Address : Pin long Hteil Htar Building, the corner of U Wisara Road and Chindwin Road, Kamaryut Township, Yangon

ph no.09 – 976886668

Open Hours : 9:00Am 9:00Pm

ဆိုင်မှာ ဘာတွေရလဲဆိုတော့

ကော်ဖီကောင်းကောင်းရတယ်။ ကျွန်တော် ဆိုင်ရဲ့ Imperial Cafe Coffee သောက်ခဲ့တာ သောက်ဖူးတဲ့ ကော်ဖီတွေနဲ့ (လုံး၀)ကွဲထွက်သွားတယ်။ Imperial အရသာ ရတယ်။ ကော်ဖီစစ်စစ်အရသာ ခံစားလို့ရတယ်။ အနံ့လေးမွှေးတယ်။ ကော်‌ဖီအပူ၊ အအေး၊ Smoothies၊ Juice နဲ့ စားစရာတွေဆို ထမင်းသုပ်တို့ကအစ နန်းကြီးသုပ်တို့ထိ စားသုံးလို့ရတယ်။

ဘယ်လိုစာအုပ်တွေရှိလဲ

လောလောလတ်လတ် Best Sellerတွေတောင် ဖတ်လို့ရတာ တော်တော်မိုက်တာပဲ။ ကြည့်ခဲ့တဲ့အထဲကဆို သုခမြို့တော်၊ ရထားပေါ်ကမိန်းကလေး၊ မျှော်လင့်ခြင်းဖတ်စာ အသစ်တော်တော်များများ ထည့်ပေးထားတယ်။ English စာအုပ်တွေတော်တော်များများရှိပြီး စတီဖင်ဟော့ကင်းရဲ့ Black Hole စာအုပ်မျိုးတွေ Rich Dad Poor Dad စာအုပ်မျိုးတွေ အစုံပါပဲ။ ရုပ်ရှင်ကြည့်ဖို့ အခွေတွေလည်း ထားထားပေးသေးတယ်။ ဒါက လူငယ်တွေအကြိုက်ပေါ့။ အေးအေးဆေးဆေး စကားပြောမယ်ဆိုလည်း နေရာကောင်းပဲ။ ကျွန်တော်တို့ငယ်ငယ်က ရွှေသွေးစာအုပ်လေးတွေဆို ရွှေသွေးစာအုပ်လေးတွေကို စုပြီး ပေါင်းချုပ်ထားတာ။ ကျွန်တော်တို့က အခုအချိန်မှာ ရွှေသွေးစာအုပ်တွေမဖတ်တော့တောင် တစ်ခါတလေမှာ ငယ်ဘ၀ကိုလွမ်းရင်း စိတ်ပျော်စေဖို့ တစ်ခါတလေ ဒီလိုစာအုပ်လေးတွေကလည်း ဖတ်သင့်ပါတယ်။ အကြံပြုချက်လေးပါ။

ဈေးနှုန်းတွေကရော
ဈေးနှုန်းက ဈေးသင့်တဲ့အထဲကပါပဲ။ ပေးထားတဲ့ ၀န်ဆောင်မှုက ပိုလို့တောင် များပါသေးတယ်။ စားစရာတွေဆို ၂၀၀၀အောက်ပဲရှိတယ်။

ဓာတ်ဖမ်းဖို့
ဓာတ်ဖမ်းချင်သူတွေအတွက် စာအုပ်စင်လေးတွေနဲ့ ဓာတ်ဖမ်းလို့ရတယ်။ စာအုပ်စင်လေးတွေကကို ဆိုင်ရဲ့စေတနာနဲ့ Arts ဆန်ဆန် ဖန်တီးထားမှုတွေက ဆိုင်ရှင်ရဲ့ စာအုပ်တွေအပေါ်တန်ဖိုးထားမှုကို ပြနေတာပါပဲ။ ဆိုင်အပြင်အဆင်လေးမိုက်သလို ဆိုင် ထိုင်ခုံလေးတွေလည်း idea ကောင်းချက်ပဲ။ စာအုပ်တွေ ကြိုက်ရာ ယူဖတ်လို့ ရတယ်။ English songsလေးတွေအောက်မှာ လွင့်မြောရင်းပေါ့။

တချို့စာအုပ်လေးတွေကတော့ ရောင်းတယ်။ ကော်ဖီအေးအေးဆေးဆေးသောက်ပြီး စာဖတ်မယ်။ မဖတ်ရင် WiFi သုံးမယ်။ လိုင်း‌ကောင်းတယ်နော်။ ပျင်းလာရင် ဓာတ်ဖမ်းမယ်။ ဒီလိုနေရာလေးတွေ အစောကြီးကတည်းက မတွေ့ခဲ့မိတာ စိတ်မကောင်း အဖြစ်ဆုံးပါပဲ။

By : Nay