အရင်ပို့စ်မှာဘန်ကောက်ကနေတစ်ဆင့်အန်ကောဝပ်သွားတဲ့အကြောင်းရေးထားတော့ဘန်ကောက်ရောက်တဲ့အခါသက်သက်သာသာနဲ့စရိတ်မထောင်းဘဲသွားလာနေထိုင်နိုင်ဖို့တစ်ဆက်တည်းထပ်ရေးလိုက်ပါတယ်။ဘန်ကောက်ကဒီကလူတွေအမြဲလိုလိုသွားနေကျ၊ဘန်ကောက်အကြောင်းရေးထားတဲ့စာတွေဆိုလည်းအများကြီးဆိုတော့အရမ်းတော့မထူးဆန်းပါဘူး။ဒါပေမယ့်ကိုယ်တွေလိုဘန်ကောက်နဲ့အဆက်အစပ်မရှိတဲ့သူတွေကျတော့သွားခါနီးဟိုblogလိုက်ဖတ်ရ ဒီblogလိုက်ဖတ်ရနဲ့ထူးဆန်းတယ်လို့ပြောရမှာပေါ့။ဘန်ကောက်ကိုအိမ်ဦးနဲ့ကြမ်းပြင်သွားနေတဲ့သူတွေအတွက်လည်းနောက်ထပ်ပိုပီးလစ်ခနဲလစ်ခနဲဒိုးနိုင်အောင်ရေးပေးထားတာမို့ဖတ်ကြည့်ပါနော်
မြန်မာငွေသုံးသိန်းလောက်ဆိုရင်လေယာဉ်လက်မှတ်အပါအဝင်ဘန်ကောက်မှာ4ရက်လောက်ဖြဲဖြဲစင်စားသောက်သွားလာဖို့အတွက်လုံလောက်ပါတယ်နော်။ဒါကလည်းပိုပိုလိုလိုပြောထားတာပါ။

လေယာဉ်လက်မှတ်

သွားမယ်ဆိုတာနဲ့လေယာဉ်လက်မှတ်ကစကားပြောပီ။ပြောမယ့်သာပြောရတာလေ ကိုယ့်ကိုယ်တွေ့ကျတော့သုံးလလောက်ကြိုဝယ်တာနဲ့ ရက်၂၀လောက်ကြိုဝယ်တာနဲ့ကအတူတူပါပဲ။promotions ဆိုတယ့်အသံကြားတာနဲ့ပြေးသာဝယ်ထားလိုက်တော့ အဲဒါကအတန်ဆုံးပဲ။budgetသွားတာဆိုတော့budget airlineတွေဖြစ်တဲ့ Air Asia,Thai Lion Air,Nok Air ဒီသုံးမျိုးထဲကတစ်ခုကိုရွေးရမှာပါ။ကိုယ်အကြိုက်ဆုံးကတော့ Nok airပါ။ပြန်ရင်ဟိုဝယ်ဒီဝယ်ပီးပြန်လာမယ့်သူတွေကတော့ကီလို20Kg freeရတဲ့ Thai Lion ကိုရွေးပါနော်။စျေးကတော့promotionရှိရင် အသွားအပြန်$75ဆိုတာအလွန်ဆုံးပါပဲ။ပုံမှန်ဆိုရင်တော့$100ပတ်ချာလည်ပါ။လက်မှတ်ဝယ်ရင် အသွားကိုရန်ကုန်ကထွက်တဲ့အစောဆုံးလေယာဉ်နဲ့အပြန်ကိုဘန်ကောက်ကထွက်တဲ့နောက်အကျဆုံးလေယာဉ်ကိုရွေးဝယ်ပါနော်။

တည်းခိုဖို့နေရာ

ဘန်ကောက်ကဟိုတယ်တွေကသရဲခြောက်ကခြောက်နဲ့ ကိုယ်တော့နေရဲပေါင်😂 Hostelမှာပဲနေဖို့ပဲအားပေးတယ်၊ဘန်ကောက်ကhostelတွေကသန့်မှသန့် စျေးကလည်း$6ဆိုရင်တောင်သန့်ပျံ့အောင်နေရတာဆိုတော့ထွေထွေထူးထူးမစဉ်းစားပဲ hostelပဲသွားစေချင်တယ်။
နှစ်ယောက်ရှိရင်ဟိုတယ်မှာပဲတည်းမှာပေါ့တို့ဘာတို့ထက် hostelမှာနေရတဲ့ဖီလင်ကအရမ်းမိုက်တာမို့အရမ်းတွေညွှန်းမိတာပါနော်။3ရက်လောက်နေမှ$18လောက်ပဲရှိတာရယ်။ပတူနမ်တစ်ဝိုက်မှာပဲနေစေချင်ပါတယ်။ဒါမှပတ်ချာလည်shopping mallတွေမှာဟိုကြည့်ဒီကြည့် မုန့်လျှောက်စားဖို့လည်းအဆင်ပြေ ၊Siam BTS stationကိုလည်းလမ်းလျှောက်နိုင်တဲ့အကွာအဝေးဆိုတော့ ပတူနမ်ကအဆင်ပြေဆုံးပါပဲ။Agodaကနေတစ်ခါထဲbookingတင်သွားတာအသက်သာဆုံးပါပဲ။hostelတွေများလို့ရွေးရခက်ရင် best sellerဆိုတဲ့ဟာကိုအဓိကရွေးလိုက်ရင်အရွေးမမှားပါဘူး။
တည်းဖူးတဲ့hostelတွေပါ
https://www.facebook.com/886399875033908/posts/989586031381958/

သွားဖို့လာဖို့

ဒွန်မောင်းလေဆိပ်➡️downtown
လေဆိပ်ကထွက်လိုက်တာနဲ့A1,A2,A3 ဆိုပီးဘတ်စ်ကားလိုင်းသုံးလိုင်းဆွဲနေတာတွေ့ရလိမ့်မယ် အဲကွန်းဘတ်စ်တွေပါ။ကိုယ်ကပတူနမ်သွားမှာဆိုတော့ A3 busကိုစီးရမှာပါ။ပတူနမ်ကိုတန်းရောက်ပါတယ် ဘာမှပြောင်းစီးစရာမလိုပါဘူး။ရောက်တဲ့နေရာသူတို့အော်နေလိမ့်မယ်။ပြန်ရင်လည်းအဲဒီbusနဲ့ပဲလေဆိပ်ပြန်သွားလို့ရပါတယ်။
A1➡️Mochit
A2➡️victory monument
A3➡️Lumphini Park

Shopping area
အဓိကshopping mallကြီးတွေရှိတဲ့Siam,ပတူနမ်ဧရိယာတွေကိုပတ်ရတာရန်ကုန်ကမြို့ထဲကစကော့စျေး သိမ်ကြီးစျေးနဲ့ဆူးလေဝန်းကျင်ကိုပတ်ရသလိုပါပဲ၊ အကုန်လုံးကဆက်စပ်နေပီးလမ်းလျှောက်နိုင်တဲ့အကွာအဝေးမှာပဲရှိပါတယ်။ပတ်ပတ်လည်

shopping mallတွေကိုပတ်ဖို့အတွက်ကားလည်းငှားစရာမလိုသလို tuktuk လည်းစီးစရာ မလိုပါဘူးနော်။ Platinum fashion mall,Siam Paragon,MBK,BigC,CentralWorld စသဖြင့်အများကြီးပဲမို့လို့လမ်းလျှောက်နိုင်လေကောင်းလေပါပဲ။မြန်မာပြည်မှာအများစုရောင်းနေတဲ့Bangkok ထည်လေးတွေဝယ်ချင်ရင် Platinum mallမှာဝယ်ပါ။H&M တို့ Zara တို့ uniqloတို့ဝယ်ချင်ရင်တော့Siam Paragonကအဆင်ပြေဆုံးပါပဲ။MBKကတော့electronicsပစ္စည်းတိုတိုထွာထွာလေးတွေ ဘုစုခရုတွေဝယ်လို့ကောင်းပါတယ်။

Icon Siam

အသစ်ဖွင့်ထားတာမကြာသေးတဲ့Icon Siam shopping mallကြီးကိုတော့ ချောင်ဖရားမြစ်ကြောင်းတစ်လျှောက်လှေစီးပီးသွားလို့ရပါတယ်။free ဖယ်ရီတွေဆွဲပေးတာမို့အရမ်းအဆင်ပြေပါတယ်။Siam Paragonရှေ့က Siam BTS stationကနေ Saphan Taksin stationအထိစီးသွားလိုက်ပီးရှေ့လမ်းလေးနဲနဲလျှောက်တာနဲ့လှေဆိပ်ကိုရောက်ပါတယ်။icon siamသွားမယ့်ဘက်မှာတန်းစီလိုက်ပီးလှေလာရင်တစ်ခါထဲလိုက်စီးသွားလိုက်ရုံပါပဲ။အဲမှာ Wat Arun တို့ မြဘုရားတို့ဘက်သွားမယ့်လှေတွေလည်းအများကြီးဆိုတော့ အကယ်၍ကိုယ်ကအဲဘက်တွေလည်းသွားလည်ချင်တယ်ဆိုရင် Wat Arun or မြဘုရားကိုလက်မှတ်ဖြတ်သွားလည်လိုက်ပီးအပြန်ကျမှicon siamမှာဝင်ကျန်ခဲ့လို့လည်းရပါတယ်။

Wat Arun

ဓာတ်ပုံရိုက်လို့လှတယ်ဆိုပီးအရမ်းနာမည်ကြီးတဲ့စေတီပါ။သူ့ရဲ့အနုလက်ရာတွေကအရမ်းကိုuniqueဖြစ်လို့ကိုယ်တော့သိပ်ကြိုက်မိတယ်။ဝင်ကြေးကလည်းbaht50ပဲပေးရတော့သွားရတာအရမ်းတန်တယ်လို့ထင်တယ်။သူ့ကိုသွားချင်ရင်အလံလိမ္မော်ရောင်လေးနဲ့လှေကိုစီးရမှာပါနော်။

China Town

ဘန်ကောက်ရဲ့china townဟာလည်းတရုတ်စာတွေရေးထားတဲ့နီယွန်ဆိုင်းပုဒ်တွေ စားချင်သောက်ချင်စရာတွေအစုံစုံနဲ့မသွားမဖြစ်သွားရမယ့်နေရာပါ။တနလာင်္နေ့တိုင်းchina townပိတ်တယ်နော်။

Chatuchak Weekend Market

အကယ်၍ကိုယ်ကစနေတနင်္ဂနွေဘန်ကောက်မှာရှိနေရင်chatuchakစျေးသွားလည်လို့ရတယ်။ဆိုင်တွေဆိုတာနဲနဲနောနောလား ဘာလိုလိုအကုန်ရတယ်လို့ဆိုရအောင်ကိုဆိုင်ခန်းပေါင်းက၈၀၀၀ကျော်တောင်ရှိတာတဲ့။ကိုယ့်အတွက်အင်္ကျီလေးနဲနဲပါးပါး ဘာညာကွိကွအသေးလေးတွေဝယ်ချင်ရင်အဲမှာဝယ်လို့ရတယ် စျေးမများဘူးရယ်။ကိုယ်ဘန်ကောက်လာတဲ့ရက် ကweekendဖြစ်နေရင်လည်း လေဆိပ်က A1 bus စီးပီး Chatuchakစျေးရှိတဲ့MoChit ထိစီးလာလို့ရတယ်။စျေးတစ်ခါထဲဝင်လည်ပီး Mochit stationကနေSiam stationကို BTS skytrain စီးပီးသွားလို့ရတယ်။Siam ရောက်ရင်အဲနီးနီးနားနားမှာဟိုပတ်ဒီပတ်ပီးတည်းတဲ့ပတူနမ်ကိုလမ်းလျှောက်သွားလို့ရတယ်

မြန်မာပြည်ကလူတွေဘန်ကောက်သွားရင်မသွားမဖြစ်သွားကြတဲ့Dream World,Safari World,Siam Water park,Siam discovery ,မဒမ်တူးဆော့ပြတိုက်အဲဒါတွေကိုပါဝင်လည်လို့ရပါသေးတယ်။ဝင်ကြေးတော့မြင့်တာပေါ့လေ။ကိုယ်ကတော့အဲလိုမျိုးTheme parkတွေကိုသိပ်စိတ်မဝင်စားတာကြောင့်တစ်ခါမှတော့မသွားဖြစ်ပါဘူး။ဘန်ကောက်လာရင် ကော်ဖီဆိုင်လေးထိုင် Streetfoodတွေလျှောက်စား shoppingလေးနဲနဲပါးပါးပတ် အနှိပ်လေးခံ ဓာတ်ပုံရိုက်လို့ကောင်းတဲ့နေရာလေးတွေလျှောက်သွား အဲလိုတွေပဲလုပ်ဖြစ်တော့စရိတ်ကတော့သိပ်မထောင်းပါဘူး။အကယ်၍ကိုယ်ကtheme parkတွေ ပြတိုက်တွေဝင်ချင်ရင်တော့ပိုက်ဆံနည်းနည်းပိုထည့်စေချင်ပါတယ်။နောက်ကျမှဟိုမဝင်လိုက်ရလေခြင်း ဒီမဝင်လိုက်ရလေခြင်းဆိုပီးဂျင်းမိတယ်ထင်မှာစိုးလို့ပါနော်😉

Tips
-ပထမဆုံးသွားတဲ့သူဆိုရင်visa cardလေးလုပ်ထားပါ
တစ်ခါတရံshowmoney တွေပြခိုင်းတတ်တာမို့ ငါဒီကဒ်နဲ့သုံးမှာလို့ ကဒ်ကလေးပြလိုက်ရင်ရပါပီ ကဒ်ထဲပိုက်ဆံမပါလည်းရတယ်
-အဝတ်အစားအများကြီးမယူပါနဲ့ မဝယ်နဲ့တားရင်တောင်ဘန်ကောက်ရောက်ရင်ဝယ်ကျမှာဆိုတော့မထူးပါဘူး
-ကျောပိုးအိတ်တစ်လုံးနဲ့ပဲလာပါ
-Maps.me ဆိုတဲ့ offline mapကိုသုံးပါ။အဲမှာဘန်ကောက်သွားမယ်ဆိုရင်ဘန်ကောက်မြေပုံကိုဒေါင်းရမှာပါ
-busကားတွေစီးတာထက် BTS skytrain နဲ့ မြေအောက်ရထားစီးတာပိုအားပေးပါတယ်
-ဘန်ကောက်ရဲ့streetfoodကဘယ်မှာစားစားအားလုံးအတူတူပဲမို့ဘာnight market ညာnight marketထက်ပတူနမ်တစ်ဝိုက်shoppingmallတွေအောက်ကnight marketတွေမှာစားရင်တောင်ယူလို့မကုန်ပါဘူးနော်
-မနက်စာကိုသူတို့ရဲ့လမ်းဘေးခေါက်ဆွဲဆိုင်လေးတွေမှာစားပီး7/11ကcoffeeလေးသောက် အဲဒါတောင်မှအရမ်းစားလို့သောက်လို့ကောင်းနေပါပီ

-နေ့လည်စာစားချင်ရင်shopping mallတိုင်းရဲ့အပေါ်မှာfood courtရှိပါတယ် အဲမှာစားပါ။
-ဘန်ကောက်မှာကtourist attractionတိုင်းကိုpublic transportationရောက်တာမို့ဘယ်ပဲသွားချင်ချင် BTS ,MRT stationတွေမှာမေးပီးသွားပါနော် သူတို့သေချာပြောပြပေးပါတယ်
-သိချင်တာအကုန်လုံးကိုတည်းတဲ့hostelကstaffကိုမေးပါ တစ်ခုခုဆိုရင်သူတို့ဆီကအကြံအဉာဏ်ယူတာအကောင်းဆုံးပါပဲ

အဲဆိုအားလုံးပဲဘန်ကောက်ကိုလစ်ခနဲလစ်ခနဲသွားနိုင်ကြမှာ
ပါနော်။ဒီထက်ပိုပီးသက်သက်သာသာအဆင်ပြေပြေသွားနိုင်မယ့်နည်းလမ်းရှိရင်လည်းcmtမှာရေးပေးခဲ့အုံးနော်❤️

Credit : https://www.facebook.com/zanflyingsolo