ဒီတစ်ပတ်မှာတော့ Apple ချစ်သူတွေအတွက် iPhone XS နဲ့ iPhone XS Max တို့ကို နှိုင်းယှဉ်ကြည့်ရအောင်။ iPhone XS နဲ့ XS Max တို့က ဘယ်နေရာတွေမှာ ဖုန်းတွင်းလုပ်ဆောင်ချက်အတွက် ထည့်သွင်းပေးထားတာချင်းက တူညီပြီး မျက်နှာပြင်နဲ့ ဘက်ထရီကတော့ မတူညီပါဘူး။ မျက်နှာပြင်အကျယ်၊ မြင်ကွင်းစွမ်းအားနဲ့ ဘက်ထရီစွမ်းအင်တွေမှာ iPhone XS Max က သာလွန်ကောင်းမွန်ပါတယ်။ ကျန်တဲ့စက်စွမ်းဆောင်ရည်၊ အနောက်ပင်မကင်မရာ၊ အရှေ့ကင်မရာအရည်အသွေးနဲ့ Sensor စနစ်တွေကတော့ အတူတူပါပဲ။ ၎င်းဖုန်းတွေကို GSM, CDMA, HSPA, EVDO နဲ့ LTE network တွေမှာ အသုံးပြုနိုင်ပြီး ဖုန်း 2 ခုလုံးမှာ Nano SIM card နှင့် eSIM ကတ်ကို ထည့်သုံးနိုင်ပါတယ်။ 2 ခုလုံးက IP 68 ရရှိထားလို့ ရေဒဏ်တွေနဲ့ ဖုန်ဒဏ်တွေကို ခံနိုင်ရည်ချင်းလည်း တူညီပါတယ်။ ဘက်ထရီစွမ်းအားမှာတော့ iPhone XS Max က အနည်းငယ် ပိုမိုမြင့်မားပါတယ်။

(1). Design

Apple iPhone XS

Apple iPhone XS ရဲ့ အရွယ်အစားက 143.6 x 70.9 x 77 mm ဖြစ်ပြီး 177g အလေးချိန် ရှိပါတယ်။ Sensor အနေနဲ့ Face ID ကို တပ်ဆင်ပေးထားပြီး မီးခိုးရောင်၊ ငွေရောင်နဲ့ ရွှေရောင်ဆိုတဲ့ အရောင် 3 မျိုးကို ထုတ်လုပ်ပေးသွားမှာပါ။

Apple iPhone XS Max

Apple iPhone XS Max ရဲ့ အရွယ်အစားကတော့ 157.5 x 77.4 x 7.7 mm ရှိပြီး 208g တောင် အလေးချိန် ရှိပါတယ်။ Sensor အနေနဲ့ Face ID ကို တပ်ဆင်ပေးထားပုံချင်းတူညီပြီး ထုတ်လုပ်ပေးထားတဲ့ အရောင် 3 မျိုးလည်း တူညီပါတယ်။

(2). Processor

Apple iPhone XS

စက်စွမ်းဆောင်ရည်ပိုင်းအတွက် RAM 4GB ပါရှိတဲ့ Apple A12 Bionic Chipset နဲ့ Hexa-core (2x Vortex + 4x Tempest) Processor နဲ့ Apple GPU (4-core graphics) GPU တို့က iPhone XS ကို ပံ့ပိုးပေးထားတာကြောင့် တိကျလျင်မြန်မှုကတော့ အံ့မခန်းပါပဲ။

Apple iPhone XS Max

iPhone XS Max တွင် စက်စွမ်းဆောင်ရည်ပိုင်းအတွက် RAM 4GB ပါရှိတဲ့ Apple A12 Bionic Chipset နဲ့ Hexa-core (2x Vortex + 4x Tempest) Processor နဲ့ Apple GPU (4-core graphics) GPU တို့က ပံ့ပိုးပေးထားတာကြောင့် တိကျလျင်မြန်မှုကတော့ အံ့မခန်းပါပဲ။

(3). Display

Apple iPhone XS

မျက်နှာပြင်အကျယ် 5.8-inch ရှိပြီး Super AMOLED capacitive touchscreen, 16M colors Display အမျိုးအစားကို သုံးထားပါတယ်။ ပြသပေးနိုင်တဲ့ မြင်ကွင်းစွမ်းအားက 1125 x 2436 pixels ရှိပြီး 1 လက်မသိပ်သည်းဆ ~458 ppi pixels ကို အပြည့်အဝ ပေးနိုင်ပါတယ်။

Apple iPhone XS Max

မျက်နှာပြင်အမျိုးအစားချင်းတော့ တူညီပေမယ့် မျက်နှာပြင်အကျယ်က 6 လက်မခွဲရှိပြီး ပြသနိုင်တဲ့ မြင်ကွင်းစွမ်းအားက 1242 x 2668 pixels ရှိတာမို့ မျက်နှာပြင်ကျယ်ကျယ်နဲ့ မြင်ကွင်းစွမ်းအားကောင်းကောင်း ရရှိနိုင်မှာပါ။ Pixel Density ~458 ppi ရှိပါတယ်။

(4). Verdict

Apple iPhone XS

iPhone XS ဟာ နောက်ဆုံးပေါ် iPhone ကိုမှ အရမ်းကြီး ကြီးမားတဲ့ဖုန်းကို မကိုင်ချင်ဘဲ အနေတော်အရွယ်အစားနဲ့ ပေါ့ပေ့ါပါးပါး သုံးစွဲလိုတဲ့သူတွေအတွက် အထူးသင့်တော်ပါတယ်။ iPhone XS Max ထက် စျေးနှုန်းလည်း ပိုမိုသက်သာပြီး လက်ထဲမှာ ကျစ်ကျစ်လျစ်လျစ်နဲ့ ကိုင်တွယ်သုံးစွဲနိုင်မှာပါ။

Apple iPhone XS Max

iPhone XS Max ကတော့ မျက်နှာပြင်ကျယ်ကျယ်နဲ့ မြင်ကွင်းစွမ်းအား အထူးကောင်းမွန်တဲ့ နောက်ဆုံးပေါ် iPhone ကိုမှ သုံးစွဲချင်သူတွေအတွက် ရည်ရွယ်ထုတ်လုပ်ထားတာပါ။ စျေးနှုန်းက အနည်းငယ် ပိုမြင့်မားပြီး ဘက်ထရီစွမ်းအားပိုင်းမှာလည်း အနည်းငယ် ပိုမိုကောင်းမွန်ပါတယ်။

Credit : NetGuide Journal (Every Wednesday)